Luka 18:32 - Ala Ya Salatikan Kula Kitabu

³² Ai kɛtɔ a donna siboloma gbɛlɛ mɔɔlu bolo, minu kɛtɔ a lafeyala, k'ai daji bɔn a kan,

Luka 18:32 ပူးပေါင်းရင်းမြစ်များ

Matiyu 16:21

Ka ta waate wo ma, Isa tɛɛ a fɔla a kɔbiladennu yɛ k'a lagbɛ, ko a ka kan ka taa Jelusalɛmu ka tɔlɔya siyama masɔlɔn kɛmɔbalu ni salakalase kuntiibalu ani seliya kalanmɔɔlu bolo. Ko a faatɔle, kɛɛ tele fila a sawana, a wulitɔle.

Matiyu 20:19

ani ka a don siboloma gbɛlɛ mɔɔlu bolo fɔsa ai y'a lafeya, k'a gbasi gbusan ne, ani k'a gbaan kɔlɔman ma. Kɛɛ tele fila a sawana, a wulitɔ ka bɔ saya lɔ.»

Matiyu 22:6

A tɔlu vɛ masakɛ ya bɔidennu minala k'ai tɔlɔya bubale, ka ban k'ai faa.

Matiyu 26:67

Wo kɛ, ai k'ai daji bɔn a ɲa lɔ, k'a gbuun ai bololu le. A dɔlu v'a tolo tela.

Matiyu 27:2

Ai k'a sili, ka taa a le, k'a don jamanatii Pilati bolo.

Malɛkɛ 14:65

Ai dɔlu v'i wulila k'ai daji bɔn a kan, k'a ɲa lasili, ani k'a gbuun. Ai do vɛɛ: «Kelaya kɛ vɛ! Mɔɔ min n'i gbasila, i yi wo tii tɔɔ fɔ!» Lakanalibalu fana k'a mina k'a tolo te.

Malɛkɛ 15:1

Kɛnɛ bɔnin, salakalase kuntiibalu ni kɛmɔbalu ni seliya kalanmɔɔlu ni kititɛɛjama bɛ k'i kun bilin i ɲɔɔ ma, ka ban ka Isa sili, ka taa a le Pilati fɛlɔ.

Luka 18:33

k'a gbasi gbusan na, ka ban k'a faa. Kɛɛ tele fila a sawana, a wulitɔ ka bɔ saya lɔ.»

Luka 23:1

Wo kɔ, jama bɛ v'i wulila ka taa Isa le Pilati fɛlɔ.

Luka 23:11

Hali Helodi gbu ni aa sɔdasilu tɛɛ jɛlɛbɔla a lɔ, k'a lafeya. Ai do ka masayafaani bila Isa kanna ka ban k'a lasei Pilati fɛlɔ.

Luka 23:35

Jama lɔnin ka to kolasaala, Jahudiya ɲamɔɔlu tɛɛ jɛlɛbɔla Isa lɔ, ai vɛɛ: «A na dɔlu lakisila. Ni ale le Masa Tɔɔmasenin ne ani Ala ya Mɔɔ Tanin, a a jɛlɛ lakisi vɛ!»

Yohana 18:22

Wo fɔ Isa bolo, lakanaliba dɔ ka to je ka Isa tolo te. A do vɛɛ a yɛ: «I yi salakalase kuntiiba javila ten ne?»

Yohana 18:28

Sɔɔmadanina, Jahudiya kuntiilu ka bɔ Kayife ya luu ma, ka taa Isa le Lɔmu jamanatii ya luu ma. Kɛɛ ailu gbu ma don bon na, kamasɔlɔn ai tɛɛ tɛ a fɛ k'ai jɛlɛ lakɔsɔ, fɔsa ai tɛɛ se Timinkunna Selilon dɔnni kɛla.

Yohana 18:30

Ai k'a javi, ai vɛɛ: «Ni kɛ́ min tɛɛ ma kɛ koyonkɛba le, mɔ tɛɛ tɛ a don i bolo.»

Yohana 18:32

Wo ka kɛ fɔsa Isa kumakan ma tɛɛ fa teme, a na min fɔla ka bɛn a faaɲa ma.

Yohana 18:35

Pilati do k'a javi, a vɛɛ: «A y'i kɔnɔ Jahudiya le ǹ ne? I jɛlɛkanu sibolomaɲɔɔlu ni salakalase kuntiibalu le na i donna m̀ bolo. I na mindɛ kɛla?»

Kɛkolu 2:23

Kɛɛ ka bɛn Ala ya latɛɛ ni lɔnni ma, ài k'a mina k'a don koyonkɛbalu bolo, fɔsa ài y'a gbaan kɔlɔman ma ka faa.

Kɛkolu 3:13

Mɔ bemanu Tii Ala, min yi Ibulahima ni Isiyaka ani Janguba Tii le, wo le na ko ba min kɛla ka bɛn aa bɔiden Isa magbiliyako ma. Àilu le na a donna mɔɔlu bolo a faako lɔ, k'ài ban a lɔ Pilati ɲakɔlɔ, k'a talan a tɛɛ v'a latɛɛ ko a a bila.