Luka 18:23 - Ala Ya Salatikan Kula Kitabu

²³ Kɛ́ ka wo mɛn mingɛ, a niila ka fin, kamasɔlɔn nafolobatii le tɛɛ a le.

Luka 18:23 ပူးပေါင်းရင်းမြစ်များ

Matiyu 19:22

Kavelen ka kuma wo mɛn mingɛ, a k'i kɔsei niilafin boloma, kamasɔlɔn a bolofennu walanin tɛɛ bubale.

Malɛkɛ 10:22

Wo fɔ Isa bolo, kɛ́ k'a ɲakɔlɔ sili k'i kɔsei niilafin boloma, kamasɔlɔn a bolofennu walanin tɛɛ bubale.

Luka 12:15

Wo fɔ Isa bolo, a k'a fɔ jama yɛ, a vɛɛ: «Ài y'ài jando ài jɛlɛ lɔ ka bɛn natabaya suu bɛ ma, kamasɔlɔn mɔɔ ya niimaya tɛ bɔla aa nafolo wala jate lɔ.»

Luka 18:22

Isa ka wo mɛn k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Luka 18:24

Isa ka kɛ́ wo niilafinnin ye mingɛ, a vɛɛ: «Nafolotii donko gbeleyayine feu haijɛnɛ masaya lɔ!

Luka 19:8

Kɛɛ Zakiya k'i lɔ k'a fɔ mɔ Kuntii yɛ, a vɛɛ: «Ǹ Kuntii, i tolomalɔ! Ǹ'i m̀ bolofennu lɔtalala k'a fan kelen di bolokolonnu ma. Ni a k'a talan ǹ na mɔɔ dɔ tɔɲɔla k'a bolofen mina a la, ǹ kɛtɔ wo ɲɔɔzii naani laseila wo tii ma.»

Luka 21:34

«Ài y'ài jando ài jɛlɛ lɔ fɔsa ài joso lɔ kana gbalin noomaya le, ani gbɛtɔya, ani dunuɲalɔtɛɛkolu hamin. Niwotɛ, wo lon kɛtɔ balala ài lɔ,

Luka 8:14

Malo minu na benna wonilu tɛma, wolu le mɔɔlu le minu yi Ala kumakan mɛnna, kɛɛ ai yi haminna dunuɲalɔtɛɛkolu le le, ani nafolokolu, ani jɛlɛdiyabɔkolu. Wo boloɲa ma, Ala kumakan lɔgbalinyine ai josokun nɔ, k'ai kɛ iwo malo fofo.

Ɛfɛsikalu 5:5

Ài yi gbɛ a ma ko mɔɔ minu yi kanu kɛla, ani kokɔsɔninnu, ani natakolu (min ni joosɔko kaannin), wolu dɔ pa fɛ tɛ Ala ni Masa Tɔɔmasenin ya masaya la.

Filipikalu 3:8

Tuɲa le, ǹ'i ko bɛ jatela bɔnɔ le le, kamasɔlɔn ka ǹ Tii Masa Tɔɔmasenin Isa lɔn, wo kulugbeleyanin vɛ ko bɛ le. Ale ya ko lɔ, m̀'ɛ bɔnɔ ko bɛ la ka wo bɛ jate iwo ɲama, fɔsa ǹ'i Masa Tɔɔmasenin sɔlɔn,

Kɔlɔsikalu 3:5

Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

1 Yohana 2:15

Ài kà dunuɲa kanu, kumatɛ a kɔnɔlɔkolu ma. Ni mɔɔ min ka dunuɲa kanu, mɔ Fa ya kanundeya tɛ wo tii josokun nɔ.