Luka 18:13 - Ala Ya Salatikan Kula Kitabu

¹³ Kɛɛ niisɔɔnminaba ka to poon. A do ma diɲa ka hali a ɲa lajɛlɛ sanma, fɔ ka kɛ a sisi magbasile josomakasi boloma, a vɛɛ: ‹Ala, hena ǹ na, ǹe min yi julumbutɔ le.› »

Luka 18:13 ပူးပေါင်းရင်းမြစ်များ

Matiyu 10:3

ani Filipe ni Batolomu, ani Tomasi ni Matiyu min tɛɛ niisɔɔnminaba le, ani Alife denkɛ Janguba, ani Tade,

Matiyu 6:5

«Ài vɛ kɛla Ala dalila, ài kà a kɛ iwo filangafolu y'a kɛla teme. A diyanin ai yɛ k'ai lɔ Aladalibonnu ni siya dalu la ka Aladali kɛ, fɔsa mɔɔlu y'ai ye. Ǹ'i tuɲa fɔ ài yɛ, wolu vɛ ban ai balayi sɔlɔnna.

Matiyu 9:13

Kuma min sɛvɛnin kitabu kɔnɔ, ài yi taa ài mili wo kɔlɔ ma, ko: ‹Henandeya diyanin vɛ ǹ yɛ ka timin kolofen salaka la.› Kamasɔlɔn m̀ ma na mɔɔ telenninu kiliko lɔ, mafɔ julumbutɔlu.»

Malɛkɛ 11:25

I lɔnin vɛ kɛla Ala dalila, ni i hangili ka bila ko, ko dɔ ile ni mɔɔ dɔ wotɛ, wo vɛ kɛla, i yi wo tii makoto, fɔsa i Fa min yi haijɛnɛ, wo fana ile gbu ya hakɛlu lɔkoto.»

Luka 17:12

A dontɔla soni dɔ la, kunatɔ mɔɔ tan ka na a kunkɔlɔbɛn. Ai ka to poon,

Luka 22:41

Wo fɔ, a k'i mataa ai la dɔɔni ka se kawa lafiliya kelen nɔ, k'i majii Aladaliko lɔ.

Luka 23:48

Kolɔgbɛnbalu bɛ ka kokɛnin wolu ye mingɛ, ai ka seikɔ aiya luulu ma, ai vɛ ai sisi magbasigbasila josomakasi boloma.

Luka 5:8

Simɔn Piyɛli ka wo ye mingɛ, a v'i mabilinna Isa sen kɔlɔ k'a fɔ a yɛ, a vɛɛ: «Ǹ Kuntii, i i majaanya ǹ na, kamasɔlɔn julumbutɔ le ǹ ne.»

Kɛkolu 2:37

Jama ka wo mɛn mingɛ, kuma wo ka don ai josokun nɔ kosɛvɛ. Ai k'a fɔ Piyɛli ni keladen tɔlu yɛ, ai vɛɛ: «Mɔ badenmalu, m'a kɛ di vɛ wo lɔ?»

Lɔmukalu 5:8

Kɛɛ Ala na aa kanundeya jiyala mɔ la teme, wo le ne: Ka mɔ to julumbutɔya boloma, Masa Tɔɔmasenin ka sa mɔ yɛ.

2 Kolɛntikalu 7:11

Ko minu na kɛla ài la ka bɛn àiya josomakasi ma min latɛɛnin Ala bolo, ài y'a ye: àiya kumanɔbɔ, àiya josolakuna, àiya siyan, ài sɔnjako mɔ le, ani àiya koyon latɔn. Ài v'a jiya boloɲa bɛ ma ko ài sen tɛ koyon min nɔ.

1 Timote 1:15

Kuma min yi tuɲa le le, bɛ ka kan k'a bolo sii min kɔlɔ feu: Masa Tɔɔmasenin Isa nanin dunuɲa kɔnɔ julumbutɔlu lakisiko le lɔ, ado ǹ taanin kɛla wolu bɛ lɔ mɔɔ kɛwon ne le.

Hebululu 4:16

Wo le y'a ma, ài m'i madon Nɛɛmatii Ala ya masayasiifen na lanaya boloma, fɔsa a yi hena mɔ la, ka nɛɛma kɛ mɔ yɛ, ani ka mɔ madɛmɛn a waate bɛlɛ lɔ.

Hebululu 8:12

Ǹ kɛtɔ aiya koyonnu lɔkotola, ado ǹ hangili tɛnala tola aiya julumbulu lɔ butu.»