Luka 18:12 - Ala Ya Salatikan Kula Kitabu

¹² Ǹ'i sundonna siɲa fila le le lɔɔtɛ kelen kɔlɔ, ani ǹ'i jaa bɔla ǹ sɔlɔnfen bɛ lɔ.›

Luka 18:12 ပူးပေါင်းရင်းမြစ်များ

Matiyu 5:20

Ǹ'i tuɲa fɔ ài yɛ, ni ài m'ài telen ka timin seliya kalanmɔɔlu ni Falisilu la, ài tɛnala donna haijɛnɛ masaya lɔ feu.

Matiyu 6:1

«Ài kà àiya diinakolu kɛ mɔɔlu ɲakɔlɔ, fɔsa ai yi wolu kɛnin ye ài bolo. Ài vɛ wo kɛla, ài Fa min yi haijɛnɛ, wo tɛnala ài balayila feu.

Matiyu 6:16

«I vɛ sundonna lon min na, i k'i ɲakɔlɔ sili iwo filangafolu y'a kɛla teme. Wolu y'ai ɲakɔlɔ silila fɔsa mɔɔlu y'a lɔn ai yi sun nɔ. Ǹ'i tuɲa fɔ ài yɛ, ai vɛ ban ai balayi sɔlɔnna.

Matiyu 6:5

«Ài vɛ kɛla Ala dalila, ài kà a kɛ iwo filangafolu y'a kɛla teme. A diyanin ai yɛ k'ai lɔ Aladalibonnu ni siya dalu la ka Aladali kɛ, fɔsa mɔɔlu y'ai ye. Ǹ'i tuɲa fɔ ài yɛ, wolu vɛ ban ai balayi sɔlɔnna.

Matiyu 9:14

Wo kɔ, Yaya kɔbiladen dɔlu k'i madon Isa la k'a maɲininga, ai vɛɛ: «Ǹu ni Falisilu deinin sundonna. Mindɛ lɔ i kɔbiladennu tɛ sundonna?»

Luka 11:42

«Gbalo y'àilu seliya kalanmɔɔlu ni Falisilu yɛ! Àilu filangafolu! Ài àiya nanai ni àiya gbelelɔfen mɛsɛnmɛsɛnnin tɔ bɛ jaa bɔla, ka telenmandeya ni Ala ya kanundeya to je. Ài tɛɛ ka kan ka wolu kɛ kunfɔlɔ le, k'a tɔ la wolu kɔkan.

Luka 17:10

Àilu fana yi wo boloɲa le ma. Ni ài ka àiya baale dafa, ài lɔnin min na, ài y'a fɔ ko: ‹Ǹu yi bɔiden jɛlɛla le le. Mɔ na maa ke le kɛla dein.› »

Lɔmukalu 3:27

Mindɛ le tonin mɔ bolo butu, k'a fɔ ko m'i mɔ waso wo la? Foi! Jalasa m'i sene ka mɔ waso ka bɛn maa seliya latelenko ma? Ɛnɛn dɛ! Mafɔ, limaniya dein!

1 Kolɛntikalu 1:29

Wo le n'a kɛla, mɔɔ mɔɔ tɛ se a jɛlɛ matɔɔla Ala ɲakɔlɔ.

Galatiyakalu 1:14

Ado ǹ tɛɛ vɛ timin ǹ kaɲa siyama la Jahudiya diina lɔ, kamasɔlɔn ǹ tɛsilinin tɛɛ m̀ bemanu ya laanalu lakanako la kosɛvɛ.

Ɛfɛsikalu 2:9

A do ma kɛ ài kɛkolu sabu la, fɔsa mɔɔ foi kana se a jɛlɛ matɔɔla.

1 Timote 4:8

K'i fali makolo, wo yi nala nafa dɔ le le. Kɛɛ Alaɲasiyanɲɛ yi nala nafa le le boloɲa bɛ ma, kamasɔlɔn a yi mɔɔ madɛmɛnna iya dunuɲalɔtɛɛ le lɔ ani ka balayi lase i ma kiyama.