Luka 17:6 - Ala Ya Salatikan Kula Kitabu

⁶ Mɔ Kuntii do k'ai javi, a vɛɛ: «Hali ni àiya limaniya buɲa jate ka kɛ iwo mutaadi kolo yi teme, ài yi sene a fɔla jiliju min yɛ ko a yi bɔ a nɔ lɔ ka taa sɛnɛ kɔɔji lɔ, a do tɛɛ ài kumakan labatole.»

Luka 17:6 ပူးပေါင်းရင်းမြစ်များ

Matiyu 14:29

Isa do vɛɛ a yɛ: «Na!» Wo fɔ, Piyɛli vɛ jiila ka bɔ kulun kɔnɔ ka taama damina kɔɔ kɔkan ka taa Isa ma.

Matiyu 17:20

Isa vɛɛ ai yɛ: «Ài ma se kamasɔlɔn àiya limaniya le dɔɔyanin. Ǹ'i tuɲa fɔ ài yɛ, hali ni àiya limaniya buɲa jate ka kɛ iwo mutaadi kolo, ài yi sene a fɔla tini min yɛ ko a yi bɔ a nɔ lɔ ka taa, a do yi taale. Ài tɛnala kolila ko ko la.

Matiyu 21:21

Isa do k'ai javi, a vɛɛ: «Ǹ'i tuɲa fɔ ài yɛ, ni limaniya ka kɛ ài bolo, ni ài do ma sika, ǹ na min kɛla toloju la yi ne, ài yi sene wo suu kɛla. Hali ni ài k'a fɔ tini min yɛ ko a yi bɔ a nɔ lɔ ka taa a ben kɔɔji lɔ, a yi kɛle ten.

Malɛkɛ 4:31

A kɛyine iwo mutaadi kolo. Hali a dɔɔyanin ka kɛ ka timin sɛnɛfen kolo bɛ la duukolo kɔkan,

Malɛkɛ 9:23

Isa vɛɛ a yɛ: «Mindɛ kɛnin i n'a fɔla, i vɛɛ: ‹Ni a see ka k'i yɛ ka ko dɔ kɛ?› Ni limaniya ka kɛ mɔɔ min bolo, ko bɛ yi sene kɛla wo tii yɛ.»

Luka 13:19

A kɛyine iwo mutaadi kolo, kɛ́ dɔ ka min sɛnɛ aa gbele lɔ. A ka fɛlɛn ka kɛ kɔlɔmanju le, ka buɲa fɔɔ kɔnɔnilu k'ai ɲaalu lɔ a bololu la.»

Luka 17:7

«Ni a k'a talan ài dɔ ya bɔiden ka na luu ma ka bɔ sɛnɛ buluwaya lɔ, niwotɛ saa kunnasiiya lɔ, jene kɛtɔ a fɔla bɔiden wo yɛ ko: ‹Na telemanin, i yi dɔnni kɛ›?

Luka 19:4

A do vɛ bɔlila ka taa jama ɲa ka jɛlɛ toloju la fɔsa a yi Isa ye, kamasɔlɔn wo tɛɛ timinna siya wo le kɔkan.

Luka 7:13

Mɔ Kuntii ka moso wo ye mingɛ, a hena k'a mina. A do vɛɛ a yɛ: «I kà kasi.»

Luka 7:19

Wo kɛ, a ka ai lɔ mɔɔ fila kili k'ai lataa mɔ Kuntii ma, ko ai y'a maɲininga, ko: «Jalasa ile le wo tii le min ka kan ka na, niwotɛ m'i mɔɔ gbɛlɛ makɔnɔ?»

1 Kolɛntikalu 13:2

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.