Luka 16:8 - Ala Ya Salatikan Kula Kitabu

⁸ «A kuntii ka ko wo mɛn mingɛ, a ka nafolo kunnasiiba telenbali wo matanu ka bɛn aa jateeya ma. Kamasɔlɔn dunuɲa min mɔɔlu i ɲɔɔ minala jateeya bolo le ma ka timin Ala ya mɔɔlu la, minu yi kɛnɛya lɔ.

Luka 16:8 ပူးပေါင်းရင်းမြစ်များ

Matiyu 12:32

Ni mɔɔ mɔɔ ka lafeyalikan fɔ Mɔɔnivin Tanin ma, a ma yi sene kotola. Kɛɛ ni mɔɔ mɔɔ ka lafeyalikan fɔ Nii Sɛnɛyanin ma, wo tii ma tɛ koto dunuɲa min nɔ. A do ma tɛ koto habadan.»

Matiyu 17:26

Piyɛli k'a javi, a vɛɛ: «Lonalu.» Isa vɛɛ a yɛ: «Wo lɔ saa, aiya jamanadennu sen tɛ wo lɔ.

Luka 16:10

«Ni mɔɔ min ka kɛ lanande le ko fitinin nɔ, wo tii yi kɛle lanande le ko ba lɔ fana. Ni mɔɔ min do ka kɛ telenbali le ko fitinin nɔ, wo yi kɛle telenbali le ko ba lɔ fana.

Luka 16:4

Awa, ǹ k'a lɔn ǹ kɛtɔ min kɛla, fɔsa ni ǹ kuntii ka m̀ gbɛn aa baale la, mɔɔlu y'ai bolo sii ǹ kɔlɔ aiya bonnu la.›

Luka 16:7

Wo kɔ, a k'a dɔgbɛlɛ maɲininga, a vɛɛ: ‹Ǹ kuntii ya jein ko le i ma?› Wo vɛɛ: ‹Malo bɔlɔ kɛmɛ (100) le.› A do vɛɛ wo yɛ: ‹I iya julu sɛvɛ mafalin ka kɛ bisein (80) ne.›

Luka 18:6

Mɔ Kuntii vɛɛ: «Ài y'ài tolomalɔ kititɛɛba telenbali wo kumakan na.

Luka 20:34

Isa k'ai javi, a vɛɛ: «Mɔɔlu yi fulusili ni kɔɲɛmalɔ kɛla dunuɲa min ne lɔ.

Luka 20:35

Kɛɛ Ala vɛ mɔɔ minu jatela telenmandelu le k'ai lawuli Fulenilu Lawulilon, ani ka dunuɲa natɔ niimaya di ai ma, wolu tɛnala fulusili ni kɔɲɛmalɔ kɛla.

Yohana 12:36

Damanda kɛnɛya y'ài tɛma, ài yi limaniya kɛnɛya ma, fɔsa ài yi kɛ kɛnɛyalɔmɔɔlu le.» Isa wɔlinin ko wolu fɔla, a ka bɔ je ka t'i doon ai ma.

1 Kolɛntikalu 3:18

Mɔɔ mɔɔ kà a jɛlɛ manɛɛ. Ni mɔɔ dɔ y'ài tɛma min y'a jɛlɛ tala hangilima le ka bɛn dunuɲamɔɔlu miliyalu ma, wo tii y'a jɛlɛ kɛ hangilindan ne, fɔsa a yi kɛ hangilima bɛlɛbɛlɛ le.

Ɛfɛsikalu 5:8

Kamasɔlɔn waate lɔ, àilu tɛɛ divi le lɔ, kɛɛ tandainɔ ài yi mɔ Tii ya kɛnɛya le lɔ gbesekele. Wo le y'a ma, ài yi taama iwo kɛnɛyalɔ dennu.

Filipikalu 3:19

Mɔɔ wolu labantɔ halaki le ma. Aiya noomaya le ai tii le. Ai y'ai jɛlɛ matɔɔla ka bɛn ai lamaloyakolu le ma, ado ai nii lanin dunuɲakolu le kɔkan.

1 Tɛsalonikakalu 5:5

Ài do yi taamana kɛnɛya le lɔ, k'ài kɛ telelɔmɔɔ le. Mɔ tɛ sulɔmɔɔ le, kumatɛ divilɔmɔɔ ma.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.