Luka 16:22 - Ala Ya Salatikan Kula Kitabu

²² «Lon dɔ, fandanni wo ka sa, mɛlɛkalu do k'a ta ka taa a lasii Nabi Ibulahima tɔɔfɛ. Nafolotii fana ka sa, ai do k'a sudoon.

Luka 16:22 ပူးပေါင်းရင်းမြစ်များ

Matiyu 18:10

«Ài y'alama, ài kà denni minu dɔ dɔɔya, kamasɔlɔn ǹ'a fɔ ài yɛ, aiya mɛlɛkalu lɔnin ǹ Fa ɲakɔlɔ haijɛnɛ waate bɛ.»

Matiyu 24:31

Wo kɔ, a kɛtɔ aa mɛlɛkalu lataala dunuɲa tongun naani bɛ la buulufɛkan ba le. Ka damina dunuɲa kun ma ka taa sii a juu la, aa mɛlɛkalu kɛtɔ aa mɔɔ taninnu ladɛnna.»

Matiyu 8:11

Ǹ'a fɔ ài yɛ, haijɛnɛ masaya waate lɔ, mɔɔ siyama kɛtɔ bɔla dunuɲa fan bɛ lɔ, ka na ai sii feetikɛya lɔ Nabi Ibulahima ni Isiyaka ni Janguba tɔɔfɛ.

Malɛkɛ 8:36

A yi di? Ni mɔɔ ka dunuɲa bɛ sɔlɔn ka bɔnɔ a nii la, nafa mindɛ le yi wo la?

Luka 12:20

Kɛɛ Ala do vɛɛ a yɛ: ‹Ile hangilindan. Bi su min nɔ yi ne, i nunakili makilitɔle i la. I na fen minu ladɛnna i jɛlɛ yɛ, wolu kɛtɔ jene ta le wo lɔ?›

Luka 16:21

Ado a lɔɔ tɛɛ a la ka bulu kulunkulunnilu tɔmɔn k'ai dɔn, minu tɛɛ benna nafolotii ya tabali kɔlɔ. Hali wulunilu tɛɛ nala, ai vɛ aa daalu lanɛɛla.

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 13:23

Ai lɔ mɔɔ kelen, a diyanan kɔbiladen koni, wo siinin tɛɛ a tɔɔfɛ.

Yohana 21:20

Piyɛli k'i ɲa tilimin ka Isa diyanan kɔbiladen ye ai kɔ, min k'i madon Isa la dɔnnikɛ waate k'a maɲininga, a vɛɛ: «Ǹ Kuntii, jene kɛtɔ i janvala?»

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

Hebululu 2:14

Komi den wolu yi mɔɔnivin ne le, wo lɔ, Isa gbu k'a fɛ bila aiya mɔɔnivinya la, fɔsa ka bɛn aa saya ma, a tɛɛ Soitana fanga tiɲa, saya fanga yi min bolo,

Janguba 1:11

Ni tele ka bɔ ka wuyen ba sii, bin yi jale k'a feele ben, a do dalaya yi tununne. Wo boloɲa kelen ma, nafolotii tununtɔ ten ne ka bɔ a kɛkolu tɛma.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

Ko Lankɛnɛmayanin 14:13

Wo kɔ, ǹ ka kumakan dɔ mɛn ka bɔ haijɛnɛ, a vɛɛ: «A sɛvɛ ko: Duwawuden ne mɔɔ saninnu le, minu yi sala mɔ Tii ya kafonɲɔɔya lɔ ka ta bi ma.» Nii Sɛnɛyanin do vɛɛ: «Duwawuden ne ai le jɔ! Ai kɛtɔ ai nɔningɛla aiya baalelu ma, kamasɔlɔn ai kɛko ɲumalu balayi y'ai kɔ.»