Luka 16:2 - Ala Ya Salatikan Kula Kitabu

² a do k'a kili k'a fɔ a yɛ, a vɛɛ: ‹Ǹ'i ko mindɛ le mɛnna i kɔ yi ne? I na ko ko si kɛla ǹa nafolo lɔ, fɔ i yi wo bɛ dandɛɛli kɛ ǹ yɛ, kamasɔlɔn i tɛnala kɛla ǹa nafolo kunnasiiba le butu!›

Luka 16:2 ပူးပေါင်းရင်းမြစ်များ

Matiyu 12:36

«Kɛɛ ǹ'a fɔ ài yɛ, mɔɔlu yi kuma kolon suu suu fɔla, ai kɛtɔ wo bɛ dandɛɛli kɛla kititɛɛlon.

Matiyu 20:8

«Teleben waate, gbeletii k'a fɔ baaleden kuntii yɛ, a vɛɛ: ‹I yi baaledennu kili k'ai sala di ai ma, ka damina mɔɔ labannu ma ka na sii mɔɔ kunfɔlɔlu la.›

Luka 12:20

Kɛɛ Ala do vɛɛ a yɛ: ‹Ile hangilindan. Bi su min nɔ yi ne, i nunakili makilitɔle i la. I na fen minu ladɛnna i jɛlɛ yɛ, wolu kɛtɔ jene ta le wo lɔ?›

Luka 12:42

Mɔ Kuntii k'a javi, a vɛɛ: «Jene yi bɔiden sɔvɛ le ani hangilima, aa kuntii kɛtɔ min lasiila bɔiden tɔlu kunna, fɔsa a yi balo di ai ma a waate bɛlɛ lɔ?

Luka 16:1

Isa k'a fɔ a kɔbiladennu yɛ kɔtunun, a vɛɛ: «Nafolotii dɔ le tɛɛ, min ka kɛ́ dɔ ta k'a kɛ aa nafolo kunnasiiba le. Mɔɔlu k'a jalaki aa kuntii ɲakɔlɔ mingɛ ko a aa nafolo lɔtutula,

Luka 16:3

Nafolo kunnasiiba k'a jɛlɛ maɲininga wo lɔ, a vɛɛ: ‹Ǹ'a kɛ di vɛ? Kamasɔlɔn ǹ kuntii kɛtɔ m̀ bɔla aa nafolo kunnasiibaya la. Fanga tɛ ǹ na diɲa senko lɔ, ado dali maloya yi ǹ na.

Lɔmukalu 14:12

Wo boloɲa ma, mɔ kelenkelenna bɛ kɛtɔ mɔ jɛlɛkanu ya dandɛɛli kɛla Ala yɛ.

1 Kolɛntikalu 1:11

Kamasɔlɔn m̀ badenmalu, Kolowe ya bonnamɔɔ dɔlu vɛ dandɛɛli kɛ ǹ yɛ ko bɛnbaliya le ài tɛma.

1 Kolɛntikalu 4:2

Ni do baale dɔ kalifanin ka kɛ mɔɔ dɔ la, min yi ɲininna wo tii fɛ, wo le lanandeya le.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 5:10

Kamasɔlɔn, fɔ mɔ kelenkelenna bɛ yi mɔ kun labɔ Masa Tɔɔmasenin ɲakɔlɔ kititɛɛya lɔ, fɔsa mɔ na ko ko si kɛla dunuɲa mɔ falikolo lɔ, koɲuma o, koyon o, m'i wo sala sɔlɔn.

1 Timote 4:14

I kà jɔ Ala ya senko ma min dinin i ma kelayakuma fɛ, limaniyajama ɲamɔɔlu n'ai bolo lala i kɔkan waate min nɔ.

1 Timote 5:24

Mɔɔ dɔlu ya julumbulu lankɛnɛmayayine jani kiti yi tɛɛ. Kɛɛ a dɔlu ta kɛtɔ lɔnna kɔ le fɛ.

1 Piyɛli 4:10

Komi ài kelenkelenna bɛ vɛ sɔli min sɔlɔn Ala fɛ ka bɛn a jɛlɛkanu ya lɔtalali ma, wo lɔ, ài yi senko wolu labaale kobɛn ka dɔlu madɛmɛn.

1 Piyɛli 4:5

Kɛɛ ai kɛtɔ dandɛɛli kɛla wo yɛ min lɔbɛnnin niimalu ni fulenilu bɛ ya kititɛɛko lɔ.

Ko Lankɛnɛmayanin 20:12

Wo kɛ, ǹ ka fulenilu ye, fandanni ni seetiilu bɛ, ai lɔnin vɛ masayasiifen ɲakɔlɔ. Ado kitabu dɔlu da ka ka. Kitabu dɔgbɛlɛ da ka ka kɔtunun, min tɛɛ niimaya kitabu le. Fulenilu ya kiti ka tɛɛ ka bɛn ai kɛkolu ma, minu sɛvɛnin tɛɛ kitabu wolu kɔnɔ.