Luka 16:16 - Ala Ya Salatikan Kula Kitabu

¹⁶ «Nabi Musa ya Taulati ni kela dɔgbɛlɛlu ya kitabulu ka na kunfɔlɔ le, jani Makolikɛba Yaya tɛɛ na. Ka ta wo waate ma, Ala ya masaya ko Samakan Kein la yi sena, ado bɛ y'i lɔjala kosɛvɛ ka don a lɔ.

Luka 16:16 ပူးပေါင်းရင်းမြစ်များ

Matiyu 10:7

Ài vɛ timinna tɛɛ o tɛɛ lɔ, ài yi mɔɔlu kawani k'a fɔ ko haijɛnɛ masaya waate ma vɛ sulunya.

Matiyu 15:11

Mɔɔ yi fen fen donna i da k'a dɔn, wo suu suu tɛ se mɔɔ lakɔsɔla. Kɛɛ ko minu yi bɔla mɔɔ da, wolu le yi mɔɔ lakɔsɔla.»

Matiyu 21:32

Kamasɔlɔn Makolikɛba Yaya na nala ka siya telennin jiya ài la. Ài do ma la a la, kɛɛ niisɔɔnminabalu ni sungulunbalu le ka la a la. Ài na wo bɛ yena, kɛɛ wo bɛ n'a kɛ, ài ma ài miliya mafalin ka la a la.»

Matiyu 3:2

«Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 4:17

Isa ka kawanili damina wo waate le lɔ. A tɛɛ a fɔla mɔɔlu yɛ, a vɛɛ: «Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 4:23

Isa tɛɛ Galile koovi fan bɛ lɔtaamana, a vɛ mɔɔlu kalanna aiya Aladalibonnu la, ka Samakan Kein lase ka bɛn Ala ya masaya ma, ani ka mɔɔlu lakɛnɛya k'ai bɔ aiya jangalo ni tɔlɔya suu bɛ lɔ.

Malɛkɛ 1:14

Yaya bila kɔ kaso la, Isa ka taa Galile koovi lɔ, a vɛ Ala ya Samakan Kein lasena.

Malɛkɛ 1:45

Kɛɛ kɛ́ bɔ je telemanin, a ka wo ko lajɛzɛn damina fan bɛ lɔ. Wo le k'a kɛ, Isa ma se donna so suu suu kɔnɔ gbɛ la butu, mafɔ ka to dingila lɔkolonnu lɔ. Wo bɛ n'a kɛ, mɔɔlu tɛɛ bɔla fan bɛ lɔ ka taa a kɔ.

Luka 10:11

‹Hali àiya so gbangban min gbu yi mɔ sen ma, m'i wo matɛla ka wo kɛ ài ban tɔɔmase le. Kɛɛ fɔ ài y'a lɔn ko Ala ya masaya waate ma vɛ sulunya.›

Luka 10:9

Ài do yi jangalotɔlu lakɛnɛya so wo kɔnɔ, k'a fɔ ai yɛ ko: ‹Ala ya masaya waate ma vɛ sulunya ài la.›

Luka 16:29

Kɛɛ Nabi Ibulahima do vɛɛ a yɛ: ‹Nabi Musa ya Taulati ni kela dɔgbɛlɛlu ya kitabulu y'ai bolo. Wo ma, ai y'ai tolomalɔ wolu la.›

Luka 16:31

Kɛɛ Nabi Ibulahima k'a javi kɔtunun, a vɛɛ: ‹Ni ai m'ai tolomalɔ Nabi Musa ya Taulati ni kela dɔgbɛlɛlu ya kitabulu la, hali ni mɔɔ dɔ k'i wuli ka bɔ saya lɔ, wo tii ya lailikan tɛnala ai lakunfala k'ai dajoo mafalin.› »

Luka 9:2

A do k'ai kelaya ko ai yi taa Ala ya masaya ko lase, ani ka mɔɔlu lakɛnɛya.

Yohana 1:45

Filipe ka Nataniyɛli ye mingɛ, a do vɛɛ a yɛ: «Mɔɔ min ya ko sɛvɛnin Nabi Musa ya Taulati ni kela dɔgbɛlɛlu ya kitabulu kɔnɔ, mɔ na wo tii yena. Nazalɛtika Isa le, Jusufu denkɛ.»

Yohana 11:48

Ni mɔ k'a to je, a v'a kɛko wolu kɛla, bɛ yi limaniyale a ma. Wo vɛ kɛla, Lɔmukalu natɔ maa lɔhɔlɔmabonba ni mɔ siboloma halakila!»

Yohana 12:19

Wo lɔ, Falisilu k'a fɔ i ɲɔɔ yɛ, ai vɛɛ: «Ài y'a ye, ài tɛ se foi ɲiala butu, kamasɔlɔn dunuɲa bɛ vɛ bila a kɔ!»

Yohana 5:4

[Ai tɛɛ ji lamaamaa waate le makɔnɔna. Kamasɔlɔn waate dɔlu lɔ, Ala ya mɛlɛka dɔ tɛɛ jiila dala wo lɔ k'a ji lamaamaa. Wo tɛɛ vɛ kɛla, jangalotɔ min tɛɛ vɛ jiila dala wo lɔ kunfɔlɔ le, wo tii tɛɛ kɛnɛyale, hali jangalo suu suu tɛɛ kɛ a la.]

Kɛkolu 3:18

Kɛɛ Ala na aa kuma mafala boloɲa min ne ma, min fɔnin kelalu bɛ bolo, ko aa Masa Tɔɔmasenin kɛtɔ tɔlɔya masɔlɔnna.