Luka 16:13 - Ala Ya Salatikan Kula Kitabu

¹³ «Jɔn tɛ se baale kɛla jɔnfa fila yɛ waate kelen nɔ. Ni wo ka kɛ, jɔn kɛtɔ a dɔ lagbeyaɲɛla, k'a dɔ kanu. A do fasatɔ a dɔ ma, k'i ban a dɔ lɔ. Wo lɔ, ài tɛ se kɛla Ala ya jɔn ne, k'ài kɛ wɔli fana ya jɔn ne waate kelen nɔ.»

Luka 16:13 ပူးပေါင်းရင်းမြစ်များ

Matiyu 4:10

Isa vɛɛ a yɛ: «Bɔ ǹ kɔ Soitana, kamasɔlɔn a sɛvɛnin kitabu kɔnɔ, ko: ‹I i Tii Ala le bato ka baale kɛ ale kelen yɛ dein.› »

Matiyu 6:24

«Jɔn tɛ se baale kɛla jɔnfa fila yɛ waate kelen nɔ. Ni wo ka kɛ, jɔn kɛtɔ a dɔ lagbeyaɲɛla, k'a dɔ kanu. A do fasatɔ a dɔ ma, k'i ban a dɔ lɔ. Wo lɔ, ài tɛ se kɛla Ala ya jɔn ne k'ài kɛ wɔli fana ya jɔn ne waate kelen nɔ.»

Luka 11:23

«Mɔɔ min tɛ ǹ fɛ, wo tii yi ǹ juu le le. Mɔɔ min do tɛ m̀ madɛmɛnna mɔɔlu ladɛnko lɔ, wo tii yi mɔɔlɔjɛzɛnba le le.»

Luka 14:26

«Ni mɔɔ min y'a fɛ ka na m̀ ma, ni wo tii m'i ban a fa lɔ, niwotɛ a ba, niwotɛ a moso, niwotɛ a dennu, niwotɛ a badenmalu, hali ale gbu ya niimaya, wo tii tɛ se kɛla ǹ kɔbiladen ne.

Luka 16:12

Ni ài do ma kɛ lanande le ka bɛn mɔɔ gbɛlɛ ya nafolo ko ma, jene kɛtɔ nafolo dila ài ma min yi kɛ ài ta le?

Luka 16:9

Ǹ'a fɔ ài yɛ, ài y'ài tɔvalu ɲinin àiya dunuɲa nafololu lɔ, fɔsa a vɛ banna ài bolo, bolo yi sii ài kɔlɔ habadan bonnu la.

Luka 9:50

Isa do vɛɛ ai yɛ: «Ài kà a dansii wo la. Mɔɔ min tɛ ài juu le, ài dɔ le wo le.»

Janguba 4:4

Àilu lanandeyabalilu! Ài m'a lɔn ko dunuɲa kanu yi nala Ala lagbeyaɲɛ le le? Wo lɔ, ni mɔɔ mɔɔ si y'a fɛ k'a jɛlɛ kɛ dunuɲa kanuba le, wo tii kɛtɔ a jɛlɛ kɛla Ala juu le le.