Luka 16:11 - Ala Ya Salatikan Kula Kitabu

¹¹ Wo lɔ, ni ài ma kɛ lanande le dunuɲa nafolokolu lɔ, jene kɛtɔ nafolo bɛlɛbɛlɛ kalifala ài la?

Luka 16:11 ပူးပေါင်းရင်းမြစ်များ

Matiyu 6:24

«Jɔn tɛ se baale kɛla jɔnfa fila yɛ waate kelen nɔ. Ni wo ka kɛ, jɔn kɛtɔ a dɔ lagbeyaɲɛla, k'a dɔ kanu. A do fasatɔ a dɔ ma, k'i ban a dɔ lɔ. Wo lɔ, ài tɛ se kɛla Ala ya jɔn ne k'ài kɛ wɔli fana ya jɔn ne waate kelen nɔ.»

Luka 12:33

Ài y'ài bolofennu fele ka bolokolonnu sɔ. Ài yi wɔlibilabɔlɔlu ladan ài jɛlɛ yɛ minu tɛ se tiɲala, ani ka nafololu ladɛn ài jɛlɛ yɛ haijɛnɛ minu tɛnala dɛsɛla. Son tɛ se donna woja ka suɲali kɛ, baabaa do tɛ se tiɲali kɛla je.

Luka 16:12

Ni ài do ma kɛ lanande le ka bɛn mɔɔ gbɛlɛ ya nafolo ko ma, jene kɛtɔ nafolo dila ài ma min yi kɛ ài ta le?

Luka 16:9

Ǹ'a fɔ ài yɛ, ài y'ài tɔvalu ɲinin àiya dunuɲa nafololu lɔ, fɔsa a vɛ banna ài bolo, bolo yi sii ài kɔlɔ habadan bonnu la.

Luka 18:22

Isa ka wo mɛn k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

Ko Lankɛnɛmayanin 3:18

Ǹ'i lalila yi ne, ǹ ko, i yi sanu san m̀ ma, taa vɛ min lasɛnɛya, fɔsa i yi banaya. I yi faani gbɛ san m̀ ma, fɔsa feeyabɔ yi kɛ i ma, i falimakolon kana bɔ gbɛ la maloya le. I yi ɲadimintulu san m̀ ma ka wo mun i ɲa kɔkan, fɔsa i yi se yeni kɛla teme.