Luka 15:24 - Ala Ya Salatikan Kula Kitabu

²⁴ kamasɔlɔn ǹ den min tɛɛ vɛ sa, kɛɛ a nii vɛ bila a lɔ kɔtunun. A tununnin tɛɛ, kɛɛ a vɛ ye butu.› Wo kɛ, ai ka tolon damina.

Luka 15:24 ပူးပေါင်းရင်းမြစ်များ

Matiyu 8:22

Kɛɛ Isa do vɛɛ a yɛ: «Bila ǹ kɔ. Fulenilu to je, ai y'ai fuleni ɲɔɔlu sudoon.»

Malɛkɛ 8:22

Wo kɔ, Isa nu ka se Betisaida so kɔnɔ. Mɔɔ dɔlu ka na ɲagbɛ kɛ́ dɔ le Isa fɛ, k'a madiya ko a a bolo la a kɔkan k'a lakɛnɛya.

Luka 10:19

Ài tolomalɔ, m̀'ɛ seetiiya di ài ma ka taama salu ni wanzosalu kɔkan, ani ka see sɔlɔn ài juu Soitana ni a fanga bɛ ma. Koyon foi tɛnala ài masɔlɔnna.

Luka 15:23

Ài yi na nisi bolan nɔɔlɔnin ne k'a kannatɛɛ. Ài m'i tolon ni dɔnni ba kɛ,

Luka 15:25

«Wo waate lɔ, kɔlɔmanda tɛɛ sɛnɛ lɔ. A masulunyatɔla luu ma la, a ka tolon ni dɔnkɛ kan mɛn.

Luka 15:32

Kɛɛ a bɛnnin m'i tolon kɛ ka sawa, kamasɔlɔn i dɔɔni tɛɛ vɛ sa, kɛɛ a nii vɛ bila a lɔ kɔtunun. A tununnin tɛɛ, kɛɛ a vɛ ye butu.› »

Luka 15:4

«Kɛ́ mindɛ le ài tɛma, ni aa saa kelen ka tunun aa saa kɛmɛ (100) tɛma, a tɛ a tɔ bikɔnɔ ni kɔnɔ (99) to tuu kɔlɔ, ka taa aa saa tununnin ɲinin haan fɔɔ ka a ye?

Luka 19:10

Kamasɔlɔn Mɔɔnivin Tanin nanin fɔsa a yi mɔɔ filininnu ɲinin k'ai lakisi.»

Luka 9:60

Isa do vɛɛ a yɛ: «Fulenilu to je, ai y'ai fuleni ɲɔɔlu sudoon. Kɛɛ fɔ ile yi taa Ala ya masaya ko lase.»

Yohana 11:25

Isa do vɛɛ a yɛ: «Ǹe le fulenilu lawuliba le, ani niimayadiba. Ni mɔɔ mɔɔ si ka limaniya m̀ ma, wo tii totɔ niimaya le lɔ hali ni a ka sa.

Yohana 5:21

Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala.

Lɔmukalu 11:15

Ala k'i ban Bani Isilankalu lɔ mingɛ, wo ka kɛ sabu le ale ni dunuɲamɔɔlu wotɛ ka bɛn. Wo ma, ni Ala k'a bolo sii ai kɔlɔ kɔtunun, wo tɛnala kɛla iwo fuleni v'i wuli ka bɔ saya lɔ?

Lɔmukalu 12:15

Ài yi sawa sawabatɔlu fɛ, k'ài josomakasi mɔɔ josomakasininnu fɛ.

Lɔmukalu 6:11

Wo boloɲa kelen ma, àilu gbu y'ài jɛlɛ jate iwo mɔɔ saninnu minu vɛ bɔ julumbu fanga kɔlɔ, ani mɔɔ minu yi niimaya kɛla Ala yɛ Masa Tɔɔmasenin Isa ya kafonɲɔɔya lɔ.

Lɔmukalu 6:13

Ài k'ài falikolo fan suu suu di julumbu ma k'a kɛ telenbaliyakokɛfen ne. Mafɔ, ài y'ài jɛlɛ di Ala ma iwo mɔɔ minu wulinin ka bɔ saya lɔ, k'ài falikolo fan bɛ don Ala bolo k'ai kɛ kolatelenninkɛfen ne.

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

1 Kolɛntikalu 12:26

Ni falikolo fan dɔ ka tɔlɔya, a fan tɔ bɛ le kɛtɔ tɔlɔyala a fɛ. Ni do falikolo fan dɔ ka buɲali sɔlɔn, a fan bɛ yi sawale a fɛ.

Ɛfɛsikalu 2:1

Waate lɔ, mɔɔ sanin ne tɛɛ ài le ka bɛn àiya hakɛlu ni àiya julumbulu ma,

Ɛfɛsikalu 2:5

Wo ma, hali mɔ sanin tɛɛ kɛ ka bɛn maa hakɛlu ma, Ala na niimaya dila mɔ ni Masa Tɔɔmasenin ma kelen ne. Ài do kisinin ka bɛn Ala ya nɛɛma le ma.

Ɛfɛsikalu 5:14

Ado ko ko la vɛ bɔla gbesekele, wo yi kɛnɛya le lɔ. Wo le y'a kɛla, ai y'a fɔla, ko: «Ile sunɔɔbatɔ, kunun! I wuli, i yi bɔ fulenilu tɛma, ado Masa Tɔɔmasenin kɛtɔ aa kɛnɛya labɔla i yɛ.»

Kɔlɔsikalu 2:13

Waate lɔ, ài sayine tɛɛ ka bɛn àiya julumbulu ma, ani ài dajoo kɔlɔlu, ài tɛɛ minu la àiya kɛnɛkɛbaliya waate lɔ. Kɛɛ tandainɔ, Ala vɛ niimaya di àilu ni Masa Tɔɔmasenin ma kelen ne, ka maa julumbulu lɔkoto.

1 Timote 5:6

Kɛɛ kɛsamoso min y'a jɛlɛ diyabɔla, wo vɛ sa hali ni a ɲɛnɛma ka kɛ.

Jude 1:12

Ài vɛ ài ladɛnna badenmaya boloma feetikɛko lɔ, mɔɔ wolu yi nala tiɲali le le ài tɛma, ai vɛ tolon kɛla ài fɛ malobaliya boloma. Saakunnasiiba le ai le minu gbalanin ai jɛlɛkanu ko le dein, ka saalu to je. Ai do kɛyine iwo sanbiliya minu yi taala fɔɲɛ fɛ, sanji tɛ minu lɔ. Ai kɛyine kɔtunun iwo kɔlɔman minu tɛ ai denna hali ai den waate ka kɛ, ani kɔlɔman minu ju bɔnnin duu lɔ ka sa feu.

Ko Lankɛnɛmayanin 3:1

«A sɛvɛ k'a lataa limaniyajama ya mɛlɛka ma min yi Salidɛsi so kɔnɔ, i vɛɛ: ‹A ye, Ala ya nii wolowulan ni loloni wolowulan yi min bolo, wo kan ne min ne: « ‹Ǹ k'i kɛkolu lɔn. I do mangutu vɛ bɔ k'a fɔ ko niima le i le, k'a talan i sayine.