Luka 15:22 - Ala Ya Salatikan Kula Kitabu

²² Kɛɛ a fa k'a fɔ aa bɔidennu yɛ, a vɛɛ: ‹Ài yi taa telemanin, ài yi na ǹa faaniba bɛ lɔ kein ne k'a bila a kanna. Ài yi koina bila a bolokɔni la, ani ka samala don a sen na.

Luka 15:22 ပူးပေါင်းရင်းမြစ်များ

Luka 15:21

Wo kɛ, a den vɛɛ a yɛ: ‹Ǹ fa, m̀'ɛ hakɛ ta Ala la, ani ile fana la. Hɔlɔ tɛ ǹ ne butu k'a fɔ i y'a fɔ m̀ ma ko i den.›

Luka 15:23

Ài yi na nisi bolan nɔɔlɔnin ne k'a kannatɛɛ. Ài m'i tolon ni dɔnni ba kɛ,

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

Lɔmukalu 3:22

Wo le k'a fɔ ko Ala yi mɔɔlu kɛla telenmande le ka bɛn limaniya le ma Masa Tɔɔmasenin Isa ma. Wotɛbɔli tɛ je,

Lɔmukalu 8:15

Ài na Nii min sɔlɔnna, wo tɛ ài bilala jɔnya lɔ k'ài kɛ siyanbatɔ le kɔtunun. Mafɔ, mɔ na Nii min sɔlɔnna, wo vɛ mɔ kɛ Ala den ne le. Ado ka bɛn Nii min ma, m'i sene a fɔla Ala ma, mɔ vɛɛ: «Mɔ Fa! Mɔ Fa!»

Galatiyakalu 3:27

Àilu minu vɛ makoli sɔlɔn ka don Masa Tɔɔmasenin ya kafonɲɔɔya lɔ, ài vɛ ài masili Masa Tɔɔmasenin kɛɲa la iwo faani.

Ɛfɛsikalu 6:15

Ài lɔbɛnnin yi kɛ Samakan Kein lasenko lɔ min yi josolajii dila, wo yi kɛ ài sennasamala le.

Ko Lankɛnɛmayanin 19:8

Faani gbɛ ɲuma pepe vɛ don a bolo ko a a bila a kanna.» (Faani gbɛ wo yi mumininnu kɛko telenninu le le.)

Ko Lankɛnɛmayanin 2:17

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ mana doonnin dɔ dila wo tii ma. Ǹ kɛtɔ kawakulun gbɛ dila a ma fana, tɔɔ kula dɔ sɛvɛnin vɛ min kɔkan, mɔɔ mɔɔ si ma min lɔn, mafɔ mɔɔ min kɛtɔ a sɔlɔnna.›

Ko Lankɛnɛmayanin 3:18

Ǹ'i lalila yi ne, ǹ ko, i yi sanu san m̀ ma, taa vɛ min lasɛnɛya, fɔsa i yi banaya. I yi faani gbɛ san m̀ ma, fɔsa feeyabɔ yi kɛ i ma, i falimakolon kana bɔ gbɛ la maloya le. I yi ɲadimintulu san m̀ ma ka wo mun i ɲa kɔkan, fɔsa i yi se yeni kɛla teme.

Ko Lankɛnɛmayanin 6:11

Wo lɔ, pipɔ gbɛ ka di ai kelenkelenna bɛ ma, k'a fɔ ko ai y'ai nɔningɛ dɔni ne bene, haan fɔɔ ai bɔidenɲɔɔlu ni ai badenmalu kɔndɛ da yi fa, minu kɛtɔ faala mɔɔlu bolo iwo ailu.

Ko Lankɛnɛmayanin 7:9

Wo timin kɔ, ǹ ka to kolasaala ka jama siyama ba ye, minu walanin tɛɛ haan fɔɔ mɔɔ tɛɛ tɛ se ai kɔndɛ jate lɔnna. Mɔɔ wolu bɔnin tɛɛ siboloma bɛ le lɔ, ani kabila bɛ, ani jamana bɛ, ani minu tɛɛ kan suu bɛ dɔ fɔla. Ai tɛɛ lɔnin masayasiifen ni Saa Bolan ɲafɛla lɔ, pipɔ gbɛ vɛ ai kanna, ani ten bululu vɛ ai bolo.