Luka 14:27 - Ala Ya Salatikan Kula Kitabu

²⁷ Ni do mɔɔ min ma diɲa a jɛlɛkanu gbaankɔlɔman tako ma ka bila ǹ kɔ, wo tii tɛ se kɛla ǹ kɔbiladen ne.

Luka 14:27 ပူးပေါင်းရင်းမြစ်များ

Matiyu 10:38

Ni do mɔɔ min ma diɲa a jɛlɛkanu gbaankɔlɔman tako ma ka bila ǹ kɔ, wo tii ni ǹa kɔbiladenya kaannin tɛ.

Matiyu 13:21

Kɛɛ kuma wo lilen tɛ donna ka jaanfa ai josokun nɔ, a do tɛ tola ai kɔnɔ. Gbeleya vɛ ai masɔlɔnna, niwotɛ mɔɔlu vɛ ai tɔlɔyala ka bɛn Ala kumakan ma, ai yi limaniya siya bilala telemanin.

Malɛkɛ 10:21

Isa k'i ɲa kaa a lɔ kanundeya boloma k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo ba kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Malɛkɛ 15:21

Ai taatɔla, ai k'i ɲɔɔmɛn Silɛnika kɛ́ dɔ le, a vɛ bɔla sɛnɛ lɔ, min tɔɔ tɛɛ ko Simɔn, min taanin kɛla Alɛzandele ni Lufɔ fa le. Sɔdasilu k'a lɔ ko a yi Isa gbaankɔlɔman ta diyanigbeya boloma.

Luka 14:28

«Jene y'ài tɛma, ni a a fɛ ka sangaso lɔ, a t'i sii kunfɔlɔ le ka kɔndɛbɔ k'a lɔn ni a yi sene a lɔla k'a laban?

Yohana 19:17

Isa do vɛ bɔla so kɔnɔ, a v'a jɛlɛkanu gbaankɔlɔman tala, ka taa Kunkolo Dingila lɔ, ai y'a fɔla tɛɛminja ma Hebulukan nɔ ko Gɔligota.

Kɛkolu 14:22

Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

2 Timote 1:12

Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

2 Timote 3:12

Tuɲa le, a lɔɔ yi mɔɔ minu la ka taama Alaɲasiyanɲɛ boloma Masa Tɔɔmasenin Isa ya kafonɲɔɔya lɔ, wolu bɛ kɛtɔ jangata le masɔlɔnna.