Luka 14:23 - Ala Ya Salatikan Kula Kitabu

²³ Wo lɔ, aa kuntii vɛɛ a yɛ: ‹Bɔ i yi taa sɛnɛ ni gbelelɔsiyalu la. I vɛ mɔɔ mɔɔ yena je, i yi ǹa kililikan magbeleya ai yɛ, fɔsa ǹa bonna yi fa.

Luka 14:23 ပူးပေါင်းရင်းမြစ်များ

Matiyu 21:43

«Wo lɔ saa, ǹ'a fɔ ài yɛ, Ala kɛtɔ ài fɛ bɔla aa masaya la, k'a di mɔɔ gbɛlɛlu ma minu kɛtɔ a lasawatila.

Matiyu 5:41

Ni mɔɔ dɔ k'i lɔ diyanigbeya doni tako la, ko i yi kilo kelen taama a le, wo vɛ kɛla, i y'a kɛ kilo fila le.

Luka 14:22

Bɔiden do vɛɛ: ‹Ǹ kuntii, m̀'ɛ iya jamali wo mafa. Kɛɛ hali bi, iya bonna ma fa ba bene.›

Luka 14:24

Kamasɔlɔn ǹ'a fɔ ài yɛ, mɔɔ minu kilinin kunfɔlɔ le, ai foi tɛnala ǹa feeti dɔnni dɔ mafɛlɛnna!› »

Luka 24:29

Kɛɛ ai k'a fɔ a yɛ k'a magbeleya, ai vɛɛ: «I jaani, i yi si mɔ fɛlɔ. Tele ma vɛ jii. Su kotɔle.» Wo kɛ, Isa ka don bon na ai fɛ ko a yi si je.

Kɛkolu 16:15

Ale ni aa bonnamɔɔlu makonin kɔɔ kɔlɔ, a k'a fɔ mɔ yɛ k'a magbeleya, a vɛɛ: «Ni ài yi ǹ jatela mɔ Tii ya limaniyamɔɔ bɛlɛbɛlɛ dɔ le, ài yi na, ài yi jiya ǹa bon na.» A do ka to a magbeleyala haan fɔɔ mɔ ka diɲa a ma.

Kɛkolu 18:6

Kɛɛ komi ai tɛɛ a sɔsɔla ani k'a jɛvɛ, wo lɔ, Pɔli ka aa faaniba lɔgbasi ka wo kɛ ai ban tɔɔmase le. A vɛɛ: «Ài halakiko yi kɛ ài kunko le. Ǹ sen t'a lɔ. Ka damina bi ma, ǹ kɛtɔ Samakan Kein lasena siboloma gbɛlɛ mɔɔlu le ma.»

Kɛkolu 28:28

Pɔli k'a dɔ la kuma wo kɔkan, a vɛɛ: «Ài y'a lɔn ko Ala ya kisiko la vɛ se siboloma gbɛlɛ mɔɔlu ma. Wolu do kɛtɔ ai tolomalɔla a la!»

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

Lɔmukalu 10:18

Wo ma, ǹ'i ɲiningali kɛla, ǹ ko: Jalasa Jahudiyalu ma kuma wo mɛn? Ai v'a mɛn jɔ! Kamasɔlɔn a sɛvɛnin kitabu kɔnɔ, ko: «Kawanilikɛbalu kumakan vɛ jɛzɛn duukolo fan bɛ lɔ, ado aiya kumalu vɛ se haan fɔɔ dunuɲa dan na.»

2 Kolɛntikalu 5:11

Komi m'i mɔ Tii ɲasiyanɲɛko kalama, wo lɔ, m'i mɔ lɔjala ka mɔɔlu lakunfa. Kɛɛ Ala gbu ka mɔ kɛɲa lɔn, ado ǹ layine a la ko àilu fana ka mɔ kɛɲa lɔn ài josokun nɔ.

2 Kolɛntikalu 5:20

Ǹu le taanin kɛla Masa Tɔɔmasenin ɲa le, ka kɛ iwo Ala yi ǹu le labaalela mɔɔlu kiliko lɔ. M'ài madiyala Masa Tɔɔmasenin tɔɔ lɔ, mɔ vɛɛ: «Àilu ni Ala wotɛ yi bɛn!»

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:28

Wo lɔ, m'i Masa Tɔɔmasenin ya ko lasena mɔɔ bɛ ma, k'ai lali, ani k'ai kalan hangilimaya bɛ la, fɔsa m'i mɔɔ kelenkelenna bɛ dafanin lalɔ Ala ɲakɔlɔ Masa Tɔɔmasenin ya kafonɲɔɔya lɔ.

2 Timote 4:2

i yi Ala kumakan kawani ka to wo la waate ɲuma ni waate gbɛlɛnnu lɔ, ka mɔɔlu jobaliya, k'ai makuma, k'ai lali, i vɛ ai kalanna sawali bɛlɛ boloma.