Luka 14:13 - Ala Ya Salatikan Kula Kitabu

¹³ Kɛɛ ni i do ka feeti dɔnni lɔbɛn, i yi fandannilu kili, ani namalanilu, ani senkelennilu, ani ɲagbɛlu.

Luka 14:13 ပူးပေါင်းရင်းမြစ်များ

Matiyu 15:30

Mɔɔ siyama vɛ nala a ma aiya namalanilu le, ani ɲagbɛlu, ani bobolu ani jangalotɔ suu siyama. Ai ka wolu bɛ lala Isa kɛɛna mingɛ, a k'ai bɛ lakɛnɛya.

Matiyu 22:10

Wo fɔ, bɔidennu v'i wulila ka taa so kɔnɔ. Ai na mɔɔ minu yena je, ai ka wolu bɛ kili fulusiliya lɔ, mɔɔ yon ni mɔɔ ɲumalu bɛ. Wo le k'a kɛ, fulusilibon la ka fa mɔɔ kilininnu le.

Luka 11:41

Kɛɛ fɔ ài y'ài josokun lɔgbɛnin di fandannilu ma. Wo vɛ kɛla, àiya ko bɛ yi sɛnɛyale.

Luka 14:12

Wo kɔ, Isa k'a fɔ a kiliba yɛ, a vɛɛ: «I vɛ telelɔ dɔnni ba lɔbɛnna, niwotɛ wulala dɔnni, i k'i tɔvalu kili, niwotɛ i badenmalu, kumatɛ i siiɲɔɔ banalu ma, fɔsa ailu fana kana wo suu kɛ i yɛ k'iya kokein julu sala.

Luka 14:14

I kɛtɔ balayi sɔlɔnna wo lɔ, kamasɔlɔn wolu tɛ se iya kokein wo suu kɛla i yɛ. Ala gbu le kɛtɔ i salala wo ma, Telenmandelu Lawulilon ka bɔ saya lɔ.»

Luka 14:21

Bɔiden ka taa wo ɲafɔ aa kuntii yɛ mingɛ, wo josola ka kuna bubale. A do vɛɛ bɔiden yɛ: ‹Taa telemanin so kɔnɔ, i ɲa kaa siyaba ni siyanilu bɛ la, i yi na fandannilu le, ani namalanilu, ani ɲagbɛlu, ani senkelennilu.›

Kɛkolu 9:39

Wo fɔ Piyɛli yɛ, a v'i wulila ka bila ai kɔ. A senin je, ai ka taa a le sangaso sanmabon na. Kɛsamosolu bɛ lɔnin tɛɛ Piyɛli laminin nɔ, ai vɛ kasila ka faanibalu ni faani kɔlɔbilalu jiya a la, Dɔɔkasi tɛɛ vɛ minu kala ai yɛ.

1 Timote 3:2

Wo ma, fɔ limaniyajama kunmafɛlɛnba yi kɛ mɔɔ jalakibali le le, ani moso kelen tii, ani jɛlɛlɔminamɔɔ min k'a dan lɔn kolu lɔ, ani mɔɔ sɔvɛ, ani jetii ɲuma, a do yi se mɔɔlu kalanna.

1 Timote 5:10

A mangutu yi lɔn aa koɲumakɛko lɔ, ko a na a dennu lasonna kobɛn, ka lonalu lɔmina kobɛn, ka mumininnu madɛmɛn fanmajii boloma, ka mɔɔ tɔlɔyaninnu makolu laɲia, ani k'a jɛlɛ di koɲuma suu bɛ dɔ kɛko lɔ.

Tite 1:8

Kɛɛ fɔ a yi kɛ jetii ɲuma le le, ani koɲuma ladiyaɲɛba, ani hangilima, ani telenmande, ani mɔɔ sɛnɛyanin, ani jɛlɛlɔminamɔɔ.

Filemɔn 1:7

M̀ badenma, iya kanundeya vɛ ǹ josoladiya kosɛvɛ ka ǹ sɛmɛ don bubale, kamasɔlɔn mumininnu josola vɛ jii ka bɛn i ma.

Hebululu 13:2

Ài kà ɲina lonalu jiyako lɔ, kamasɔlɔn a dɔlu tonin wo le la, ai ka mɛlɛkalu jiya ai ɲina ma.