Luka 13:33 - Ala Ya Salatikan Kula Kitabu

³³ Wo bɛ n'a kɛ, fɔ ǹ'i to taamana bi ni sinin ani sininkɛnɛ, kamasɔlɔn a bɛnnin tɛ kela yi faa dingila gbɛlɛ lɔ ni Jelusalɛmu tɛ.»

Luka 13:33 ပူးပေါင်းရင်းမြစ်များ

Matiyu 20:18

«Ài y'ài tolomalɔ! Mɔ jɛlɛtɔle ne Jelusalɛmu. Ai kɛtɔ Mɔɔnivin Tanin donna salakalase kuntiibalu ni seliya kalanmɔɔlu bolo. Wolu kɛtɔ kiti bilala a la a faako lɔ,

Matiyu 21:11

Jama k'ai javi, ai vɛɛ: «Nabi Isa le ve ka bɔ Nazalɛti so kɔnɔ, Galile koovi lɔ.»

Luka 9:53

Kɛɛ so wo mɔɔlu ma diɲa ka Isa jiya, kamasɔlɔn a tɛɛ taala Jelusalɛmu le.

Yohana 11:54

Wo le k'a kɛ, Isa tɛɛ tɛ taamana bala lɔ butu Judekalu tɛma, fɔ ka bɔ je ka taa se Efilaimu so la fuwa fannɔ. Ado ale ni a kɔbiladennu ka waateni kɛ je.

Yohana 11:9

Isa do vɛɛ ai yɛ: «Jaa lɛlɛ tan ni fila (12) le tele kɔlɔ, kɛlɛ? Ni mɔɔ min vɛ kɛla taamana tele lɔ, wo tii sen tɛ tuu, kamasɔlɔn a yi dunuɲa kɛnɛya yena.

Yohana 12:35

A do ka jama javi, a vɛɛ: «Kɛnɛya kɛtɔ waateni kɛla ài tɛma bene. Damanda kɛnɛya y'ài tɛma, ài yi to taamana alako divi kana bala ài lɔ. Mɔɔ min yi taamana divi lɔ, wo tii ma a taaya lɔn.

Yohana 4:34

Isa do vɛɛ ai yɛ: «Ǹ dɔnnifen yi min ne, wo le ka ǹ kelaba sawo kɛ ani ka aa baale dafa.

Yohana 9:4

Damanda tele yi bɔla, fɔ m'i kɛ ǹ kelaba ya baale le la. Su kotɔle, mɔɔ tɛ se baale kɛla waate min nɔ.

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

Kɛkolu 13:27

Jelusalɛmukalu ni aiya kuntiilu tɛɛ m'a lɔn Isa yi mɔɔ min ne, kumatɛ ka kelalu ya kumalu ɲaye. Wo le k'a kɛ, ai ka kiti bila Isa la ka kelalu ya kumalu mafa, minu yi kalanna Nɔningɛlon bɛ.