Luka 13:28 - Ala Ya Salatikan Kula Kitabu

²⁸ «Ài kasitɔ k'ài ɲii sii i ɲɔɔ na dimin bolo, ài vɛ Ibulahima ni Isiyaka ni Janguba ani kela tɔ bɛ yena Ala ya masaya lɔ, k'a talan àilu la vɛ fili banama!

Luka 13:28 ပူးပေါင်းရင်းမြစ်များ

Matiyu 13:42

k'ai lafili taa ba lɔ, ai kasitɔ k'ai ɲii sii i ɲɔɔ na dimin bolo je.

Matiyu 13:50

k'ai lafili taa ba lɔ, ai kasitɔ k'ai ɲii sii i ɲɔɔ na dimin bolo je.»

Matiyu 22:13

Wo kɛ, masakɛ vɛɛ aa bɔidennu yɛ: ‹Ài y'a sen ni a bolo sili k'a lafili divi lɔ banama, a kasitɔ k'a ɲii sii i ɲɔɔ na dimin bolo je.› »

Matiyu 24:51

Wo do kɛtɔ a lɔtɛɛtɛɛla k'a kafon filangafolu kɔkan, a kasitɔ k'a ɲii sii i ɲɔɔ na dimin bolo je.»

Matiyu 25:30

Ài yi bɔiden kolon wo lafili divi lɔ banama, a do kasitɔ k'a ɲii sii i ɲɔɔ na dimin bolo je.› »

Luka 10:15

Kapɛlɛnamukalu, àilu do? Ài y'ài milila ko àiya so jɛlɛtɔle haan fɔɔ ka sii haijɛnɛ la? Wo tɛnala kɛla! Ài jiitɔle haan fɔɔ ka se jahanama!»

Luka 14:15

Mɔɔ dɔ tɛɛ siinin Isa dafɛ dɔnnikɛya lɔ, wo ka kuma min mɛn mingɛ, a k'a fɔ Isa yɛ, a vɛɛ: «Mɔɔ minu kɛtɔ feetikɛya lɔ Ala ya masaya lɔ, wolu yi duwawuden ne le.»

Luka 16:23

A ka to jangata lɔ Laikila, a k'a kun lawuli ka Nabi Ibulahima ye poon, Lazali v'a tɔɔfɛ.

2 Tɛsalonikakalu 1:5

Ado Ala kɛtɔ jangata wo kɛla sabu le ka aa kiti telennin lagbɛ, fɔsa ài yi kɛ mɔɔlu le minu ni aa masaya donko lɔkaannin, ài yi tɔlɔya masɔlɔnna ka bɛn min ma.

2 Piyɛli 1:11

Wo boloɲa ma, siya yi dile ài ma feu ài donko lɔ mɔ Tii ni mɔ Lakisiba Masa Tɔɔmasenin Isa ya habadan masaya lɔ.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»

Ko Lankɛnɛmayanin 22:15

Kɛɛ jɛlɛlakɔsɔmɔɔlu kɛtɔ tola so kɔma, wolu ni subalu ni kanukɛbalu, ani mɔɔfaabalu ni joosɔbalu, ani mɔɔ minu yi faɲafɔko ladiyaɲɛla ka to faɲa fɔla kudein.