Luka 13:25 - Ala Ya Salatikan Kula Kitabu

²⁵ Ni bontii k'i wuli ka da sɔɔ, ài totɔ kɛnɛ le ma ka to da makɔnkɔnna k'a fɔ, ài vɛɛ: ‹Mɔ Kuntii! Da laka mɔ yɛ!› A do kɛtɔ a fɔla ài yɛ, a vɛɛ: ‹M̀ ma ài bɔya lɔn.›

Luka 13:25 ပူးပေါင်းရင်းမြစ်များ

Matiyu 25:41

«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ.

Luka 13:27

A do kɛtɔ a fɔla ài yɛ kɔtunun, a vɛɛ: ‹Ǹ'a fɔ ài yɛ, m̀ ma ài bɔya lɔn. Àilu koyonkɛbalu, ài y'ài majaanya ǹ na!›

Luka 3:8

Ài kɛkolu y'a jiya ko ài vɛ ài dajoo mafalin. Ài k'ài mili ko ài bɛnnin kamasɔlɔn ài bema le Nabi Ibulahima le! Ǹ'a fɔ ài yɛ, Ala yi sene kawakulun minu jɛlɛmana k'ai kɛ Nabi Ibulahima bɔzɔnnu le.

Luka 6:46

«Mindɛ y'a kɛla vɛ ài y'a fɔla m̀ ma ko ‹Kuntii, Kuntii,› k'a talan ài tɛ ǹ kumakannu labatola?

2 Kolɛntikalu 6:2

Kamasɔlɔn Ala n'a fɔla kitabu kɔnɔ, ko: «Waate bɛlɛ ka se mingɛ, ǹ k'àiya madailikan javi. Ado lakisili lon na, ǹ k'ài madɛmɛn.» Ài y'a ye! Waate bɛlɛ le ne. Ài y'a ye! Lakisili lon ne min ne.

Hebululu 12:17

Ài do k'a lɔn ne, wo timin kɔ, a tɛɛ a fɛ ka a fa ya duwawu sɔlɔn, kɛɛ a fa k'i ban. A do ma ɲa foi sɔlɔn a ma ka wo jɛlɛma, hali a tɛɛ a ɲininna ɲaji le lɔ.