Luka 13:15 - Ala Ya Salatikan Kula Kitabu

¹⁵ Wo fɔ a bolo, mɔ Kuntii vɛɛ a yɛ: «Àilu filangafolu! Ni nisi niwotɛ sofalini ka kɛ ài bolo, jalasa ài tɛ wolu fɔlinna k'ai labɔ wɛlɛ lɔ ai laminko lɔ Nɔningɛlon?

Luka 13:15 ပူးပေါင်းရင်းမြစ်များ

Matiyu 15:14

Ài yi Falisilu to je. Ai yi ɲagbɛ ɲabilalu le le. Ni ɲagbɛ ka kɛ a ɲagbɛ ɲɔɔ ɲabila le, ai mɔɔ fila yi benne diɲa lɔ.»

Matiyu 15:7

Àilu filangafolu, Nabi Ezayi na kelayakuma minu fɔla ka bɛn ài ma, tuɲa le. A do ka Ala kumakan sɛvɛ, ko:

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Matiyu 23:28

Wo boloɲa kelen ma, ài kɛnin mɔɔlu ɲana iwo telenmandelu, k'a talan ài kɔnɔlɔ fanin filangafoya ni koyon na.

Matiyu 7:5

Ile filangafo! Fɔ i yi jilifɛlɛn bɔ i jɛlɛkanu ɲa ma kunfɔlɔ le. Wo vɛ kɛla, i kɛtɔ yeni kɛla kobɛn ka jilimuu bɔ i badenma ɲa ma.

Luka 12:1

Wo waate lɔ, mɔɔ waa jilika k'ai ladɛn Isa laminin nɔ haan fɔɔ ai v'i lɔla i ɲɔɔ kɔkan. Isa do ka kuma a kɔbiladennu yɛ kunfɔlɔ le, a vɛɛ ai yɛ: «Ài y'ài jando ài jɛlɛ lɔ ka bɛn Falisilu ya bululafununsɛɛ ma, min yi filangafoya le.

Luka 14:5

Isa do vɛɛ ai yɛ: «Jene y'ài tɛma, ni min denkɛ niwotɛ aa nisi ka ben kɔlɔn nɔ Nɔningɛlon, a tɛnala a labɔla telemanin?»

Luka 6:42

Ni i tɛ jilifɛlɛn yena i jɛlɛkanu ɲa ma, i yi se a fɔla i badenma yɛ di: ‹I yi lɔ, ǹ'i jilimuu bɔ i ɲa ma›? Ile filangafo! Fɔ i yi jilifɛlɛn bɔ i jɛlɛkanu ɲa ma kunfɔlɔ le. Wo vɛ kɛla, i kɛtɔ yeni kɛla kobɛn ka jilimuu bɔ i badenma ɲa ma.»

Luka 7:13

Mɔ Kuntii ka moso wo ye mingɛ, a hena k'a mina. A do vɛɛ a yɛ: «I kà kasi.»

Luka 7:19

Wo kɛ, a ka ai lɔ mɔɔ fila kili k'ai lataa mɔ Kuntii ma, ko ai y'a maɲininga, ko: «Jalasa ile le wo tii le min ka kan ka na, niwotɛ m'i mɔɔ gbɛlɛ makɔnɔ?»