Luka 12:39 - Ala Ya Salatikan Kula Kitabu

³⁹ Kɛɛ ài yi ko min ɲaye: Ni bontii tɛɛ v'a lɔnna ko son natɔ waate min nɔ, a tɛɛ tɛ diɲa son yi don aa bon na.

Luka 12:39 ပူးပေါင်းရင်းမြစ်များ

Matiyu 24:42

Wo le y'a kɛla, fɔ ài yi to ài ɲana, kamasɔlɔn ài Tii natɔ lon min na, ài m'a lɔn.

Matiyu 6:19

«Ài kà nafolo ladɛn ài jɛlɛ yɛ dunuɲa min nɔ, baabaa ni soon yi tiɲali kɛla tɛɛminja. Son fana yi se da kalila tɛɛminja ka suɲali kɛ.

2 Piyɛli 3:10

Wo bɛ n'a kɛ, mɔ Tii nalon kɛtɔ balala mɔɔlu lɔ iwo son. Wo lon na, sangbolo ni a kɔnɔlɔfen bɛ kɛtɔ tununna mangan ba le. Sangbolo kɔnɔlɔfen bɛ kɛtɔ jelenna taa bolo, ani dunuɲa ni a kɔnɔlɔkolu bɛ la kɛtɔ nkɛnɛmayala.

Ko Lankɛnɛmayanin 16:15

Mɔ Tii vɛɛ: «Ài y'a ye, ǹ kɛtɔ nala ka bala mɔɔlu lɔ iwo son. Ni mɔɔ min ka to a ɲana, k'a bolo kɛ aa faanilu la, fɔsa a kana taama a falimakolon ne maloya boloma, wo tii yi duwawuden ne le.»

Ko Lankɛnɛmayanin 3:3

Wo le y'a ma, i na ko minu kalanna ani k'ai mɛn, i i hangili to wolu lɔ. I i bolo kɛ ko wolu la k'i dajoo mafalin. Ni i do ma kunun, ǹ kɛtɔ balala i lɔ iwo son, ado i tɛnala a lɔnna ǹ natɔ i kanma waate min.