Luka 12:17 - Ala Ya Salatikan Kula Kitabu

¹⁷ A do tɛɛ a milila wo lɔ, a vɛɛ: ‹Ǹ'a kɛ di vɛ? Kamasɔlɔn sɛnɛfen ladaloya gbɛlɛ tɛ m̀ bolo butu.›

Luka 12:17 ပူးပေါင်းရင်းမြစ်များ

Matiyu 16:7

A kɔbiladennu do vɛɛ i ɲɔɔ yɛ: «A yi wo fɔla kamasɔlɔn mɔ ma na bulu le.»

Matiyu 5:42

Ni mɔɔ dɔ k'i dali fen na, i y'a di a ma. Ni do mɔɔ y'a fɛ ka fen siɲa i ma, i k'i ban.»

Luka 10:25

Seliya kalanmɔɔ dɔ k'i wuli Isa lɔsumanko lɔ. A do vɛɛ a yɛ: «Kalanmɔɔ, ǹ'i mindɛ kɛ fɔsa ǹ'i niimaya banbali sɔlɔn?»

Luka 11:41

Kɛɛ fɔ ài y'ài josokun lɔgbɛnin di fandannilu ma. Wo vɛ kɛla, àiya ko bɛ yi sɛnɛyale.

Luka 12:16

Isa ka sana dɔ la ai yɛ, a vɛɛ: «Nafolobatii dɔ tɛɛ je, min ya sɛnɛ ka sawati kosɛvɛ.

Luka 12:18

A do vɛɛ kɔtunun: ‹Ǹ kɛtɔ ǹa bolonnu tela k'a bubatalu lɔ, ka ǹa sɛnɛfennu ni m̀ bolofennu bɛ ladalo ai kɔnɔ.

Luka 12:22

Wo kɔ, Isa vɛɛ a kɔbiladennu yɛ: «Wo lɔ saa, ǹ'a fɔ ài yɛ, ài kà hamin àiya niimaya le k'a fɔ ài kɛtɔ mindɛ dɔnna, niwotɛ ài falikolo ya ko le, k'a fɔ ài kɛtɔ mindɛ le bilala ài kanna.

Luka 12:29

«Ài sɔn kà ja ka bɛn àiya dɔnnikɛko ni ài minko ma, ài do kɔnɔlɔ kà fili.

Luka 12:33

Ài y'ài bolofennu fele ka bolokolonnu sɔ. Ài yi wɔlibilabɔlɔlu ladan ài jɛlɛ yɛ minu tɛ se tiɲala, ani ka nafololu ladɛn ài jɛlɛ yɛ haijɛnɛ minu tɛnala dɛsɛla. Son tɛ se donna woja ka suɲali kɛ, baabaa do tɛ se tiɲali kɛla je.

Luka 16:3

Nafolo kunnasiiba k'a jɛlɛ maɲininga wo lɔ, a vɛɛ: ‹Ǹ'a kɛ di vɛ? Kamasɔlɔn ǹ kuntii kɛtɔ m̀ bɔla aa nafolo kunnasiibaya la. Fanga tɛ ǹ na diɲa senko lɔ, ado dali maloya yi ǹ na.

Luka 16:9

Ǹ'a fɔ ài yɛ, ài y'ài tɔvalu ɲinin àiya dunuɲa nafololu lɔ, fɔsa a vɛ banna ài bolo, bolo yi sii ài kɔlɔ habadan bonnu la.

Luka 18:22

Isa ka wo mɛn k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Luka 19:17

Masakɛ do vɛɛ a yɛ: ‹I gbu n'a kɛ yi la kobɛn, bɔiden ɲuma! Komi i na kɛla lanande le ko fitinin nɔ, wo le y'a ma, ǹ kɛtɔ i lasiila so tan ne kunna.›

Luka 3:11

Yaya k'ai javi, a vɛɛ: «Ni faaniba fila ka kɛ mɔɔ min bolo, wo tii y'a kelen di dɔ ma, fen tɛ min bolo. Ni dɔnnifen ka kɛ mɔɔ min bolo, wo fana y'a kɛ ten.»

Kɛkolu 16:30

A do ka Pɔli ni Silasi labɔ banama k'ai maɲininga, a vɛɛ: «Ǹ kuntiilu, ǹ'i mindɛ kɛ fɔsa ǹ'i kisi?»

Kɛkolu 2:37

Jama ka wo mɛn mingɛ, kuma wo ka don ai josokun nɔ kosɛvɛ. Ai k'a fɔ Piyɛli ni keladen tɔlu yɛ, ai vɛɛ: «Mɔ badenmalu, m'a kɛ di vɛ wo lɔ?»

Lɔmukalu 12:13

Ài yi mumininnu madɛmɛn k'ai makolu laɲia, ani ka lonalu jiya.

1 Timote 6:17

Dunuɲa nafololu vɛ kɛla mɔɔ minu bolo, i yi wolu lali ko ai kà ai fannɔbuɲa. Ai do kà ai jei sii nafolo bantalu la, mafɔ Ala min yi fen bɛ dila mɔ ma bɛlɛbɛlɛ kɛ ka bɛn mɔ ladiyako ma.

1 Yohana 3:16

Mɔ na kanundeya lɔnna min ne ma: Isa ka a nii di maa ko le lɔ. Wo le y'a ma, fɔ ǹu fana yi mɔ nii di mɔ badenmalu ya ko lɔ.