Luka 12:14 - Ala Ya Salatikan Kula Kitabu

¹⁴ Isa do vɛɛ a yɛ: «Ǹ tɔva, jene na ǹ kɛla àiya kititɛɛba le, niwotɛ àiya kɛɛ lɔtalaba le?»

Luka 12:14 ပူးပေါင်းရင်းမြစ်များ

Luka 12:13

Kɛ́ dɔ ka to jama tɛma k'a fɔ Isa yɛ, a vɛɛ: «Kalanmɔɔ, i y'a fɔ ǹ kɔlɔkɛ yɛ a yi mɔ fa kɛɛ lɔtala, a yi ǹ ta fan di m̀ ma.»

Luka 22:58

A lɔ ma mɛn, mɔɔ gbɛlɛ ka Piyɛli ye k'a fɔ a yɛ, a vɛɛ: «Ile fana y'ai dɔ le le.» Kɛɛ Piyɛli do vɛɛ a yɛ: «Kɛ́, ǹ tɛ ai dɔ le dɛ!»

Luka 5:20

Isa k'aiya limaniya ye mingɛ, a vɛɛ jangalotɔ yɛ: «Ile kɛ́, iya julumbulu lɔ vɛ koto.»

Yohana 6:15

Isa tɛɛ k'a lɔn ne ko ai tɛɛ a fɛ k'a mina k'a kɛ aiya masakɛ le le diyanigbeya boloma. Wo le k'a kɛ, a k'a majaanya ai la kɔtunun ka taa tini kɔkan.

Yohana 8:11

Moso vɛɛ: «Ǹ Kuntii, hali ai kelen gbu ma to jan.» Isa do vɛɛ: «Ǹe fana tɛnala i latɔnna. Taa vɛ, kɛɛ i do kà julumbu ta butu.»

Lɔmukalu 2:1

Wo lɔ saa, ile adamaden, ni i ka dɔlu kiti, kumanɔbɔ dailu t'i bolo, hali ni i ka kɛ mɔɔ suu suu le. Kamasɔlɔn ni i ka dɔlu kiti, i i jɛlɛ le jobaliyala wo le, kamasɔlɔn ile gbu yi ko suu wolu le kɛla.

Lɔmukalu 2:3

Ile adamaden min yi ko suu wolu kɛbalu kitila k'a talan ile gbu sen yi ko wolu lɔ, jalasa a y'i kɔnɔ ko Ala ya kolatɔn polotɔle i ma?

Lɔmukalu 9:20

Kɛɛ ile adamaden, i i jɛlɛ yena mɔɔ mindɛ le k'a fɔ ko i yi Ala sɔsɔ? Jalasa bɔɔdaa yi sene k'a fɔ daaladanba yɛ, a vɛɛ: «Mindɛ lɔ i na ǹ ladanna tan?»