Luka 11:41 - Ala Ya Salatikan Kula Kitabu

⁴¹ Kɛɛ fɔ ài y'ài josokun lɔgbɛnin di fandannilu ma. Wo vɛ kɛla, àiya ko bɛ yi sɛnɛyale.

Luka 11:41 ပူးပေါင်းရင်းမြစ်များ

Matiyu 26:11

Bolokolonnu totɔ ài tɛma waate bɛ, kɛɛ ǹe do tɛnala tola ài tɛma waate bɛ.

Matiyu 5:42

Ni mɔɔ dɔ k'i dali fen na, i y'a di a ma. Ni do mɔɔ y'a fɛ ka fen siɲa i ma, i k'i ban.»

Malɛkɛ 7:19

Kamasɔlɔn dɔnnifen tɛ donna mɔɔ josokun nɔ, mafɔ i kɔnɔlɔ. I vɛ taala siya fɛ, fen wolu bɔtɔle.» (Isa n'a jiyala wo lɔ ko dɔnnifen suu bɛ ladaanyine.)

Luka 12:33

Ài y'ài bolofennu fele ka bolokolonnu sɔ. Ài yi wɔlibilabɔlɔlu ladan ài jɛlɛ yɛ minu tɛ se tiɲala, ani ka nafololu ladɛn ài jɛlɛ yɛ haijɛnɛ minu tɛnala dɛsɛla. Son tɛ se donna woja ka suɲali kɛ, baabaa do tɛ se tiɲali kɛla je.

Luka 16:9

Ǹ'a fɔ ài yɛ, ài y'ài tɔvalu ɲinin àiya dunuɲa nafololu lɔ, fɔsa a vɛ banna ài bolo, bolo yi sii ài kɔlɔ habadan bonnu la.

Luka 18:22

Isa ka wo mɛn k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Luka 19:8

Kɛɛ Zakiya k'i lɔ k'a fɔ mɔ Kuntii yɛ, a vɛɛ: «Ǹ Kuntii, i tolomalɔ! Ǹ'i m̀ bolofennu lɔtalala k'a fan kelen di bolokolonnu ma. Ni a k'a talan ǹ na mɔɔ dɔ tɔɲɔla k'a bolofen mina a la, ǹ kɛtɔ wo ɲɔɔzii naani laseila wo tii ma.»

Kɛkolu 10:15

Kumakan ka bɔ a siɲa filana lɔ k'a fɔ a yɛ, a vɛɛ: «Ala na fen min lasɛnɛyala, i kà a fɔ wo ma ko fen kɔsɔnin.»

Kɛkolu 11:29

Wo lɔ saa, Isa kɔbiladen minu tɛɛ Antiyɔsi, wolu k'a latɛɛ ko ai kelenkelenna bɛ y'ai senko kɛ k'ai badenmalu madɛmɛn minu siinin tɛɛ Jude koovi lɔ.

Kɛkolu 24:17

«Ka talan ǹ tɛɛ vɛ fama tala Jelusalɛmu san siyama kɔlɔ, ǹ ka taa je wɔli dɔ le ǹa jamana fandannilu sɔko lɔ, ani ka niilifen bɔ Ala yɛ.

2 Kolɛntikalu 8:12

Ni mɔɔ min ka bɔ a jɛlɛ lɔ ka fen di, bolo yi siile wo kɔlɔ ka bɛn a senko ma. Kɛɛ ni fen t'a bolo, wo tɛ jatela.

Ɛfɛsikalu 4:28

Ni mɔɔ mɔɔ ka kɛ son ne, a yi suɲali dabila. A do yi baale nafata kɛ a bolo la, fɔsa fen yi kɛ a bolo dɛsɛbatɔ sɔko lɔ.

Tite 1:15

Fen bɛ sɛnɛyanin mɔɔ sɛnɛyaninnu bolo, kɛɛ foi sɛnɛyanin tɛ mɔɔ kɔsɔnin limaniyabalilu bolo, kamasɔlɔn ai hangili ni ai miliya bɛ le lakɔsɔnin.

Hebululu 13:16

Ài do kà ɲina koɲumakɛko lɔ, ani ka sɔniya i ɲɔɔ yɛ, kamasɔlɔn salaka suu wolu le diyanin Ala yɛ.

Hebululu 6:10

Ala tɛ telenbali le k'a fɔ ko a yi jɔ àiya baale ni àiya kanundeya ma, ài na min jiyala ka bɛn a tɔɔ ma ka mumininnu makolu laɲia, iwo ài deinin a kɛla teme hali bi.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.