Luka 11:39 - Ala Ya Salatikan Kula Kitabu

³⁹ Mɔ Kuntii do vɛɛ a yɛ: «Àilu Falisilu yi jiyafɛ ni tasa kɔkala mako yi la kobɛn, ka àilu gbu kɔnɔlɔ nɔɔnin to natabaya ni koyon na.

Luka 11:39 ပူးပေါင်းရင်းမြစ်များ

Matiyu 15:19

Kamasɔlɔn miliya yon bɛ yi bɔla mɔɔ kɔnɔ le lɔ, ani a josokun nɔ: mɔɔfaako, jalonya, kanukɛko, suɲali, faɲafɔ seleya, ani tɔɔtiɲali.

Matiyu 7:15

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le.

Luka 16:15

Wo kɛ, Isa vɛɛ ai yɛ: «Àilu y'ài jɛlɛ kɛla telenmande le mɔɔlu ɲakɔlɔ, kɛɛ Ala do k'ài miliya lɔn. Kamasɔlɔn fen minu kulugbeleyanin adamadennu ɲakɔlɔ, wolu yi fen kɔsɔnin ne le Ala ɲakɔlɔ.»

Luka 7:13

Mɔ Kuntii ka moso wo ye mingɛ, a hena k'a mina. A do vɛɛ a yɛ: «I kà kasi.»

Luka 7:19

Wo kɛ, a ka ai lɔ mɔɔ fila kili k'ai lataa mɔ Kuntii ma, ko ai y'a maɲininga, ko: «Jalasa ile le wo tii le min ka kan ka na, niwotɛ m'i mɔɔ gbɛlɛ makɔnɔ?»

Yohana 12:6

Kɛɛ a do ma wo fɔ bolokolonnu hena ma, mafɔ son ne tɛɛ a le, ani a deinin tɛɛ a bolo donna aiya wɔlibilabɔlɔ lɔ min tɛɛ a bolo.

Yohana 13:2

Isa ni a kɔbiladennu tɛɛ wulala dɔnna, k'a talan Soitana tɛɛ v'a janva miliya don Simɔn denkɛ Judasi Isekaliyɔti josokun nɔ.

Kɛkolu 5:3

Kɛɛ Piyɛli vɛɛ a yɛ: «Ananiya, a yi di vɛ i na diɲala Soitana yi don i josokun nɔ, haan fɔɔ i na faɲa fɔla Nii Sɛnɛyanin yɛ, ka wɔli fan kelen ladalo i jɛlɛ yɛ?

Galatiyakalu 1:14

Ado ǹ tɛɛ vɛ timin ǹ kaɲa siyama la Jahudiya diina lɔ, kamasɔlɔn ǹ tɛsilinin tɛɛ m̀ bemanu ya laanalu lakanako la kosɛvɛ.

2 Timote 3:5

Ai do kɛtɔ ai jɛlɛ kɛla mɔɔlu ɲana iwo Alaɲasiyanɲɛmɔɔ, k'a talan ai v'i ban Ala fanga lɔ. I i majaan mɔɔ kaija wolu la feu.

Tite 1:15

Fen bɛ sɛnɛyanin mɔɔ sɛnɛyaninnu bolo, kɛɛ foi sɛnɛyanin tɛ mɔɔ kɔsɔnin limaniyabalilu bolo, kamasɔlɔn ai hangili ni ai miliya bɛ le lakɔsɔnin.

Janguba 4:8

Ài y'ài madon Ala la, a do kɛtɔ a madonna ài la. Àilu julumbutɔlu, ài y'ài bololu lako. Àilu miliyafilatiilu, ài y'ài josokun lasɛnɛya.