Luka 11:36 - Ala Ya Salatikan Kula Kitabu

³⁶ Ni kɛnɛya ka kɛ mɔɔ fali fan bɛ lɔ, divi ma talan a fan suu suu lɔ, wo vɛ kɛla, kɛnɛya yi kɛle a falikolo fan bɛ lɔ gbesekele, iwo fitina kɛnɛya yi kɛla teme ài ma.»

Luka 11:36 ပူးပေါင်းရင်းမြစ်များ

Matiyu 13:52

Isa do vɛɛ ai yɛ: «Seliya kalanmɔɔ minu vɛ kalan haijɛnɛ masaya kolu la, wolu bɛ kɛyine iwo lutii min yi fen kula ni fen kɔlɔ bɛ labɔla aa nafolo ladaloya lɔ.»

Matiyu 5:15

Mɔɔ tɛ fitina lamɛnɛnna k'a sii tasa kɔlɔ. Fɔ i y'a sii fitinasiiya le lɔ, fɔsa a yi kɛnɛya di bonnamɔɔlu bɛ ma.

Luka 11:35

Wo le y'a ma, ài y'ài jando ài jɛlɛ lɔ, alako àiya kɛnɛya kana ban ka kɛ divi le.

Luka 11:37

Isa ka to kumala, Falisi kɛ́ dɔ k'a kili telelɔ dɔnko lɔ aa bon na. Wo lɔ, Isa ka taa je k'i sii dɔnnikɛya lɔ.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

Hebululu 5:14

Kɛɛ dɔnnifen lɔjanin yi kɛmɔbalu ta le le, minu vɛ ai jɛlɛ kalan koɲuma ni koyon wotɛbɔ ko la.

Janguba 1:25

Kɛɛ Ala ya seliya dafanin min yi lafɛlɛ dila, ni mɔɔ min ka wo lasaa kobɛn k'i lɔja a latelenko ma, ni a do m'a tolomalɔ a la dein ka ban ka ɲina a lɔ, wo vɛ kɛla, wo tii lasawatitɔ a kɛkolu bɛ le lɔ.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.