Luka 11:19 - Ala Ya Salatikan Kula Kitabu

¹⁹ A yi di? Ni ǹe yi jinalu gbɛnna mɔɔlu lɔ Biyɛzɛbɔ ya seetiiya le lɔ, wo lɔ, ài kɔbiladennu do? Wolu yi jinalu gbɛnna mɔɔlu lɔ jene ya seetiiya lɔ? Wo le y'a ma, ài kɔbiladennu gbu le kɛtɔ àiya kiti tɛɛla.

Luka 11:19 ပူးပေါင်းရင်းမြစ်များ

Matiyu 10:25

Ni kalannaden ka se aa kalanmɔɔ lɔ, wo vɛ je bɔ. Ni do jɔn ka se aa jɔnfa lɔ, wo vɛ je bɔ. Ni ai k'a fɔ lutii kɛmɔba ma ko Biyɛzɛbɔ, a lagbɛyine feu ko ai kɛtɔ wo tii ya bonnamɔɔlu mafinna ka timin wo la!

Matiyu 4:24

Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Luka 19:22

Masakɛ do vɛɛ a yɛ: ‹Ile bɔiden kɛwon! Ǹ kɛtɔ i jobaliyala ka bɛn i jɛlɛkanu dalakan ne ma. I tɛɛ k'a lɔn ǹa ko gbeleyayine, ani ko ǹ'i fen ne tala, m̀ ma min bila je, ani ko ǹ'i malo kalila, m̀ ma min sɛnɛ.

Luka 9:49

Yohana vɛɛ Isa yɛ: «Kalanmɔɔ, mɔ na kɛ́ dɔ yena, a tɛɛ jinalu gbɛnna mɔɔlu lɔ i tɔɔ lɔ. Mɔ k'a fɔ a yɛ a yi nɔningɛ wo ma, kamasɔlɔn a tɛ mɔ dɔ le.»

Kɛkolu 19:13

Jahudiya timintiminkɛba dɔlu tɛɛ je, minu tɛɛ jinalu gbɛnna mɔɔlu lɔ. Lon dɔ, wolu ka jinajuulu gbɛnko lɔsuma ka bɔ mɔɔlu lɔ mɔ Tii Isa tɔɔ lɔ, ai v'a fɔla ai yɛ: «M'ài jamalila Isa tɔɔ le lɔ, Pɔli yi min ya ko lasena!»

Lɔmukalu 3:19

Mɔ do k'a lɔn ne ko Nabi Musa ya seliya yi min min si fɔla, a yi wolu le fɔla mɔɔlu yɛ minu yi seliya wo kɔlɔ, fɔsa mɔɔ bɛ da la yi tuun, ani dunuɲa bɛ lakafonnin yi don Ala ya kiti kɔlɔ.