Luka 11:18 - Ala Ya Salatikan Kula Kitabu

¹⁸ Wo boloɲa kelen ma, ni Soitana ya bɔidennu ka falan a ma k'i ɲɔɔ kɛlɛ, aa masaya yi to a ma di wo lɔ? Kamasɔlɔn ài y'a fɔla ko ǹ'i jinalu gbɛnna mɔɔlu lɔ Biyɛzɛbɔ ya seetiiya le lɔ.

Luka 11:18 ပူးပေါင်းရင်းမြစ်များ

Matiyu 10:25

Ni kalannaden ka se aa kalanmɔɔ lɔ, wo vɛ je bɔ. Ni do jɔn ka se aa jɔnfa lɔ, wo vɛ je bɔ. Ni ai k'a fɔ lutii kɛmɔba ma ko Biyɛzɛbɔ, a lagbɛyine feu ko ai kɛtɔ wo tii ya bonnamɔɔlu mafinna ka timin wo la!

Matiyu 12:26

Wo boloɲa kelen ma, ni Soitana yi Soitana le gbɛnna, a a jɛlɛ le kɛlɛla. Aa masaya yi to a ma di wo lɔ?

Matiyu 4:10

Isa vɛɛ a yɛ: «Bɔ ǹ kɔ Soitana, kamasɔlɔn a sɛvɛnin kitabu kɔnɔ, ko: ‹I i Tii Ala le bato ka baale kɛ ale kelen yɛ dein.› »

Matiyu 4:24

Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Luka 11:15

Kɛɛ a dɔlu tɛɛ a fɔla, ai vɛɛ: «A yi jinalu gbɛnna mɔɔlu lɔ Biyɛzɛbɔ ya seetiiya le lɔ, min kɛnin jinalu ya kuntii le.»