Luka 11:13 - Ala Ya Salatikan Kula Kitabu

¹³ Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo yi Nii Sɛnɛyanin dila a dailibalu ma!»

Luka 11:13 ပူးပေါင်းရင်းမြစ်များ

Matiyu 5:16

Àiya kɛnɛya yi bɔ ten mɔɔlu ɲakɔlɔ, fɔsa ai y'ài kɛko keinnu ye k'ài Fa magbiliya min yi haijɛnɛ.»

Matiyu 5:45

fɔsa ài yi kɛ ài Fa dennu le min yi haijɛnɛ. Kamasɔlɔn ale le yi tele labɔla mɔɔ yon ni mɔɔ bɛlɛlu yɛ. A do yi san lanala mɔɔ telennin ni mɔɔ telenbalilu yɛ.

Matiyu 6:14

«Ni ài ka dɔlu ya koyonnu lɔkoto, ài Fa min yi haijɛnɛ, wo fana kɛtɔ ài makotola.

Matiyu 6:30

Àilu minu ya limaniya dɔɔyanin, ni Ala yi tuukɔlɔbinnu feeyabɔla ten, minu yi je bi k'ai ɲɛnin taa lɔ sinin, a tɛnala ài feeyabɔla ka timin wolu la?

Matiyu 6:32

Alalɔnbalilu le sɔnjanin ko suu wolu bɛ le. Kɛɛ àilu, ài Fa min yi haijɛnɛ, wo k'a lɔn ài mako yi fen wolu bɛ le la.

Matiyu 7:11

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo y'a dailibalu sɔla fen ɲumalu le la!

Luka 11:12

Niwotɛ, ni a den k'a dali sisɛkili la, a kɛtɔ wanzosa dila a ma?

Luka 11:2

Wo lɔ, Isa vɛɛ ai yɛ: «Ài vɛ kɛla Ala dalila, ài y'a fɔ ko: Mɔ Fa, i tɔɔ sɛnɛyanin yi buɲa. Iya masaya la yi nkɛnɛmaya.

Luka 18:7

Ni Ala ya mɔɔ taninnu ka to ai makasila a yɛ su ni tele, a tɛ jo di ai ma? Jalasa ai madɛmɛnko ma yi tamale?

Yohana 4:10

Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Lɔmukalu 5:17

Ado ni saya fanga na siila bɛ kunna ka bɛn kɛ́ kelen ya julumbu taya kelen ma, a lagbɛyine feu ko mɔɔ minu yi Ala ya nɛɛma ba ni aa telenmandeya sɔli sɔlɔnna, wolu kɛtɔ masaya kɛla niimaya lɔ kɛ́ kelen ne sabu la, min kɛnin Masa Tɔɔmasenin Isa le.

Lɔmukalu 7:18

Ǹ k'a lɔn kokein lasawatinin tɛ ǹ nɔ, ǹ falikolo lɔ koni. Kamasɔlɔn kokeinkɛ lɔɔ yi ǹ na, kɛɛ wo kɛko see tɛ ǹ yɛ.

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.