Luka 10:42 - Ala Ya Salatikan Kula Kitabu

⁴² Kɛɛ ko kelenpesa le kobɛlɛ le. Mɔyamu do vɛ wo le ta, wo do tɛnala minala a la.»

Luka 10:42 ပူးပေါင်းရင်းမြစ်များ

Malɛkɛ 8:36

A yi di? Ni mɔɔ ka dunuɲa bɛ sɔlɔn ka bɔnɔ a nii la, nafa mindɛ le yi wo la?

Luka 10:39

A dɔɔmoso min tɔɔ tɛɛ ko Mɔyamu, wo tɛɛ siinin mɔ Kuntii sen kɔlɔ, a v'a tolomalɔla aa kalan na.

Luka 11:1

Lon dɔ, Isa tɛɛ Ala dalila dingila dɔ lɔ. A wɔlinin, a kɔbiladen dɔ vɛɛ a yɛ: «Ǹ Kuntii, i yi mɔ kalan Aladali la, iwo Yaya ka a kɔbiladennu kalan teme.»

Luka 12:20

Kɛɛ Ala do vɛɛ a yɛ: ‹Ile hangilindan. Bi su min nɔ yi ne, i nunakili makilitɔle i la. I na fen minu ladɛnna i jɛlɛ yɛ, wolu kɛtɔ jene ta le wo lɔ?›

Luka 12:33

Ài y'ài bolofennu fele ka bolokolonnu sɔ. Ài yi wɔlibilabɔlɔlu ladan ài jɛlɛ yɛ minu tɛ se tiɲala, ani ka nafololu ladɛn ài jɛlɛ yɛ haijɛnɛ minu tɛnala dɛsɛla. Son tɛ se donna woja ka suɲali kɛ, baabaa do tɛ se tiɲali kɛla je.

Luka 16:2

a do k'a kili k'a fɔ a yɛ, a vɛɛ: ‹Ǹ'i ko mindɛ le mɛnna i kɔ yi ne? I na ko ko si kɛla ǹa nafolo lɔ, fɔ i yi wo bɛ dandɛɛli kɛ ǹ yɛ, kamasɔlɔn i tɛnala kɛla ǹa nafolo kunnasiiba le butu!›

Luka 16:25

Kɛɛ Nabi Ibulahima do vɛɛ a yɛ: ‹Ǹ den, i yi mili, i na kaila siyama sɔlɔnna k'a dafa iya dunuɲalɔtɛɛ lɔ, k'a talan Lazali do na aa dunuɲalɔtɛɛ kɛla tɔlɔya le lɔ. Kɛɛ bi, a vɛ josolajii sɔlɔn, k'a talan ile do yi jangata le lɔ.

Luka 18:22

Isa ka wo mɛn k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Luka 8:18

«Ài y'ài tolomalɔ kobɛn! Kamasɔlɔn ni fen ka kɛ mɔɔ min bolo, a dɔ latɔ wo tii ma ta kɔkan ka siyaya. Kɛɛ ni fen ma kɛ mɔɔ min bolo, hali a yi min jatela a ta le, wo minatɔle a la.»

Yohana 11:1

Kɛ́ dɔ tɛɛ je min tɔɔ tɛɛ ko Lazali, min tɛɛ jangalo lɔ. A do siinin tɛɛ Betani so la, Mɔyamu ni a kɔlɔmoso Maata fɛso.

Yohana 11:19

wo lɔ, Jahudiya siyama tɛɛ vɛ na Maata ni Mɔyamu fɛlɔ ai dɔɔkɛ sayafoliya lɔ.

Yohana 12:3

Ai ka to dɔnnila, Mɔyamu ka na tulu sumadiyanin daagbɛlɛn ne, ai y'a fɔla min ma ko naladu, a tɛɛ litili tala jate bɔle. A do ka wo mun damina Isa sen ma, k'a matɛ a kunsi le. Wo suma ka jɛzɛn fan bɛ lɔ bon na.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 6:27

Ài kà baale kɛ dɔnnifenko lɔ min yi tolinna, mafɔ min yi mɛnna ka niimaya banbali di, Mɔɔnivin Tanin kɛtɔ min dila ài ma, kamasɔlɔn mɔ Fa Ala vɛ aa seetiiya tɔɔmase bila a kan.»

1 Kolɛntikalu 13:3

Hali ni ǹ ka m̀ bolofen bɛ di fandannilu ma, ani ka ǹ falikolo di a ɲɛninko lɔ Ala yɛ, ni kanundeya ma kɛ ǹ josokun nɔ, wo tɛnala foi ɲiala m̀ ma.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.