Luka 10:2 - Ala Ya Salatikan Kula Kitabu

² A do vɛɛ ai yɛ: «Malo mɔnnin lɔwalanin bubale, kɛɛ do, a kaliba ma siya. Wo ma, ài yi Sɛnɛtii madiya, a yi baaledennu lɔ malo kalila aa sɛnɛ lɔ.

Luka 10:2 ပူးပေါင်းရင်းမြစ်များ

Matiyu 20:1

«Haijɛnɛ masaya ko kɛyine iwo gbeletii dɔ min ka bɔ sɔɔmadala ka taa baaleden ɲininya lɔ.

Malɛkɛ 13:34

A kɛyine iwo kɛ́ min tɛɛ taama boloma. A ka aa bonnako bɛ kalifa aa bɔidennu la, a bɛ ni a ta baale. A k'a fɔ dalasiiba yɛ ko a yi to a ɲana.

Malɛkɛ 16:15

A do vɛɛ ai yɛ: «Ài yi taa dunuɲa fan bɛ lɔ ka Samakan Kein lase mɔɔ bɛ ma.

Malɛkɛ 16:20

Keladennu ka bɔ je ka taa Samakan Kein lase fan bɛ lɔ. Mɔ Kuntii k'ai madɛmɛn baale wo la, ka kawananko see di ai ma, k'a jiya ko kuma wo yi tuɲa le le.

Luka 9:1

Isa ka aa keladen mɔɔ tan ni fila (12) ladɛn mingɛ, a ka fanga ni seetiiya di ai ma, fɔsa ai yi se jinajuulu gbɛnna mɔɔlu lɔ, ani ka jangalotɔlu lakɛnɛya.

Kɛkolu 11:19

Limaniyajama ka jangata min masɔlɔn Etiyɛn faa kɔ, wo le ka kɛ sabu le, ai ka jɛzɛn haan fɔɔ Fenisi gbɛkɛnɛ lɔ, ni Sipele kɔɔtɛmaduu lɔ, ani Antiyɔsi so kɔnɔ. Ai do tɛɛ tɛ Ala kumakan lasena mɔɔ suu suu ma, mafɔ Jahudiyalu dein.

Kɛkolu 13:2

Lon dɔ, ai ka to mɔ Tii batola, ai vɛ sun nɔ, Nii Sɛnɛyanin ka kuma ai yɛ, a vɛɛ: «Ài yi Baanabasi ni Sawuli bila ai ta fan ǹa baalekɛko lɔ, ǹ n'ai kilila min kanma.»

Kɛkolu 13:4

Nii Sɛnɛyanin ka Baanabasi ni Sawuli kelaya mingɛ, ai ka taa Selusi so kɔnɔ. Ai se je, ai ka don kulunba kɔnɔ ka taa Sipele, min yi kɔɔtɛmaduu le.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 22:21

A do vɛɛ ǹ yɛ: ‹Taa vɛ! Ǹ kɛtɔ i lataala dingila majaan nɔ siboloma gbɛlɛ mɔɔlu fɛlɔ.› »

Kɛkolu 8:4

Wo k'a talan, limaniyamɔɔ minu jɛzɛnnin tɛɛ, wolu tɛɛ timintiminna fan bɛ lɔ ka Samakan Kein lase.

1 Kolɛntikalu 12:28

Ala na mɔɔ minu lasiila limaniyajama tɛma, keladennu le ka kɛ a kunfɔlɔ le, ka kelalu kɛ a filana le, ka kalanmɔɔlu kɛ a sawana le. A do ka kawanankokɛbalu tuun wolu la, ani mɔɔ minu yi jangalotɔlu lakɛnɛyala, ani mɔɔ minu yi dɔlu madɛmɛnna, ani ɲamɔɔlu, ani mɔɔ minu yi kumala kan gbɛlɛlu lɔ.

1 Kolɛntikalu 15:10

Kɛɛ ǹ'i min ne bi, ǹ kɛnin wo le ka bɛn Ala ya nɛɛma le ma. Ado aa nɛɛma min dinin m̀ ma, wo ma kɛ kofuun ne. Tuɲa le, ǹ na baale kɛla ka timin keladen tɔ bɛ la. Wo do tɛ ǹe gbu senko le, mafɔ Ala ya nɛɛma min kɛnin ǹ yɛ.

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

Filipikalu 2:21

Dɔ wolu gbalanin ai jɛlɛkanu nafakolu le le. Ai gbalanin tɛ Masa Tɔɔmasenin Isa ya kolu le.

Filipikalu 2:25

M̀'ɛ m̀ mili ǹ ka kan ka Ɛpafolodite laseikɔ ài ma, ale min yi m̀ badenma le, ani m̀ baalekɛɲɔɔ, ani ǹ kɛlɛkɛdenɲɔɔ, ani àiya keladen fana ka bɛn m̀ mako laɲiako ma.

Filipikalu 2:30

kamasɔlɔn a tɛɛ vɛ to dɔni a tɛɛ sala Masa Tɔɔmasenin ya baaleko lɔ. A do na diɲala saya ma, fɔsa ài dɛsɛnin tɛɛ ǹa baale lɔ tɛɛminja, a tɛɛ wo dafa.

Kɔlɔsikalu 1:29

Wo ma yi ne, ǹ'i baalela, m'ɛ sɛɛ kɛla ka bɛn Masa Tɔɔmasenin ya fanga bɛ ma, a yi min labaalela ǹ nɔ bɛlɛbɛlɛ kɛ.

Kɔlɔsikalu 4:12

Ɛpafalasi, min y'ài dɔ le ani Masa Tɔɔmasenin Isa ya bɔiden, wo y'ài fola. A lɔgbeleyayine Aladaliko ma ài yɛ waate bɛ, fɔsa ài yi lɔjanin yi to, ka sawati, ani ka to hangililatɛɛ lɔ, ka dafa Ala sawo bɛ lɔ.

1 Tɛsalonikakalu 2:9

Mɔ badenmalu, ǹ layine a la ài hangili toyine maa baale ni maa sɛyɛ lɔ, mɔ tɛɛ min na su ni tele, alako mɔ kana kɛ doni le ài dɔ kun, mɔ tɛɛ Ala ya Samakan Kein lasena ài ma waate min nɔ.

1 Tɛsalonikakalu 5:12

Mɔ badenmalu, m̀'ài madiyala ko ài yi mɔɔlu magbiliya minu yi baale gbɛlɛn kɛla ài tɛma, ka kuntiiya kɛ ài kunna, k'ài lali ani k'ài kalan mɔ Tii ya ko la.

2 Tɛsalonikakalu 3:1

Ka ǹa kuma laban mɔ badenmalu, ài yi Ala dali mɔ yɛ, fɔsa mɔ Tii kumakan yi jɛzɛn falafala ka buɲali sɔlɔn, iwo a na buɲali sɔlɔnna ài bolo teme.

1 Timote 4:10

Wo le y'a ma, m'i mɔ lɔjala ka baale kɛ, kamasɔlɔn mɔ jei siinin Ɲɛnɛmayatii Ala le la, min yi adamaden bɛ Lakisiba le, limaniyamɔɔlu bɛlɛbɛlɛ.

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.

Filemɔn 1:1

Ǹe Pɔli, min yi kasoden ne ka bɛn Masa Tɔɔmasenin Isa ya ko ma, ani mɔ badenma Timote, ǹu mɔɔ fila le yi sɛvɛli min lataala mɔ diyanan baalekɛɲɔɔ Filemɔn ma,

Hebululu 3:6

Kɛɛ Masa Tɔɔmasenin ka kɛ lanande le iwo denkɛ min siinin Ala ya bon kunna. Mɔ do kɛnin aa bon ne le, ni mɔ bolo ka to maa lanaya la kpekpe, ani maa ɲalɔkɛnɛya jeisii la.

Ko Lankɛnɛmayanin 2:1

«A sɛvɛ k'a lataa limaniyajama ya mɛlɛka ma min yi Ɛfɛsi so kɔnɔ, i vɛɛ: ‹A ye, min yi loloni wolowulan minala a bolokini la, ka taama sanu fitinasiifen wolowulan tɛma, wo kan ne min ne: