Luka 10:11 - Ala Ya Salatikan Kula Kitabu

¹¹ ‹Hali àiya so gbangban min gbu yi mɔ sen ma, m'i wo matɛla ka wo kɛ ài ban tɔɔmase le. Kɛɛ fɔ ài y'a lɔn ko Ala ya masaya waate ma vɛ sulunya.›

Luka 10:11 ပူးပေါင်းရင်းမြစ်များ

Matiyu 10:14

Ni mɔɔ suu suu k'i ban ài lɔminako ma, ani k'i ban ai tolomalɔla ài kumakan na, wo vɛ kɛla, ài yi bɔ woja. Ài vɛ kɛla bɔla luu wo ma, niwotɛ so wo la, ài yi je gbangban bɔ ài sen ma, ka wo kɛ ai ban tɔɔmase le.

Matiyu 10:7

Ài vɛ timinna tɛɛ o tɛɛ lɔ, ài yi mɔɔlu kawani k'a fɔ ko haijɛnɛ masaya waate ma vɛ sulunya.

Matiyu 3:2

«Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Malɛkɛ 6:11

Ni mɔɔlu k'i ban ài lɔminala tɛɛ o tɛɛ lɔ ani k'i ban ai tolomalɔla ài la, wo vɛ kɛla, ài yi bɔ je ka je gbangban bɔ ài sen ma, ka wo kɛ ai ban tɔɔmase le.»

Luka 10:10

Kɛɛ ni ài ka don so suu suu la, ni ai m'ai bolo sii ài kɔlɔ, ài yi taa ài lɔ siyaba kɔkan k'a fɔ ko:

Luka 10:9

Ài do yi jangalotɔlu lakɛnɛya so wo kɔnɔ, k'a fɔ ai yɛ ko: ‹Ala ya masaya waate ma vɛ sulunya ài la.›

Luka 9:5

Ni do ai k'i ban ài lɔminala tɛɛ o tɛɛ lɔ, ài yi bɔ so wo la ka je gbangban bɔ ài sen ma, ka wo kɛ ai ban tɔɔmase le.»

Kɛkolu 13:26

«M̀ badenmalu, Ibulahima bɔzɔnnu ni Alaɲasiyanɲɛmɔɔlu bɛ, Ala na kisiko kuma min lanala ǹu le ma.

Kɛkolu 13:40

Wo le y'a ma, ài y'alama, fɔsa ko min sɛvɛnin kelalu ya kitabu kɔnɔ, wo kana ài masɔlɔn, ko:

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 13:51

Ai mɔɔ fila bɔtɔla je, ai k'ai sennu magbasi ka gbangban bɔ ai ma, ka wo kɛ je mɔɔlu ban tɔɔmase le. Wo kɔ, ai ka taa Ikoniyɔmu so la.

Lɔmukalu 10:21

Kɛɛ a na min ne fɔla ka bɛn Bani Isilankalu ya ko ma, a vɛɛ: «M̀'ɛ m̀ bolo sii jama mulutunin yɛ tele muumɛ kɔlɔ, ailu minu yi ǹ sɔsɔla kudein.»

Lɔmukalu 10:8

Kɛɛ mindɛ le sɛvɛnin je? A vɛɛ: «Ala kumakan masulunyanin i la, a y'i da, ani a y'i josokun nɔ.» Kumakan wo yi limaniya kuma le le, m'i min lasena.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.