Luka 1:76 - Ala Ya Salatikan Kula Kitabu

⁷⁶ Ile ǹ den koni, ai kɛtɔ a fɔla i ma ko Masa Taala ya kela, kamasɔlɔn i kɛtɔ taala mɔ Tii ɲa, ka aa siya lɔbɛn a yɛ,

Luka 1:76 ပူးပေါင်းရင်းမြစ်များ

Matiyu 14:5

Helodi tɛɛ a fɛ ka Yaya faa, kɛɛ a tɛɛ siyanna jama ɲa, kamasɔlɔn ai tɛɛ Yaya jatela kela le le.

Matiyu 21:26

Kɛɛ ni mɔ k'a fɔ adamadennu le, wo tɛ bɛn. M'i siyanna jama ɲa, kamasɔlɔn ai bɛ yi Yaya jatela kela le le.»

Matiyu 3:11

Ǹ'ài makola ji le le k'a jiya ko ài vɛ ài dajoo mafalin, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala ta a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le.

Matiyu 3:3

Yaya le ya ko fɔnin tɛɛ Nabi Ezayi bolo kɔlɔkɔlɔ le, a vɛɛ: «Mɔɔ dɔ gbanɔkan yi bɔla fuwa lɔ, a vɛɛ: ‹Ài yi siya lɔbɛn mɔ Tii yɛ, ka aa senmasiyalu latelen a yɛ.› »

Malɛkɛ 11:32

Kɛɛ ni mɔ k'a fɔ adamadennu le, wo tɛ bɛn!» Ai tɛɛ siyanna jama ɲa, kamasɔlɔn mɔɔ bɛ tɛɛ Yaya jatela kela bɛlɛ le le.

Luka 1:32

A do kɛtɔ mɔɔba le le. Ai kɛtɔ a fɔla a ma ko Masa Taala Denkɛ, ado mɔ Tii Ala kɛtɔ a lasiila a bema Dawuda ya masayasiifen nɔ.

Luka 1:35

Mɛlɛka do k'a javi, a vɛɛ: «Nii Sɛnɛyanin jiitɔ i kan, ani Masa Taala ya seetiiya bilintɔ i kunna. Wo le y'a ma, i kɛtɔ lɔhɔlɔma den min sɔlɔnna, mɔɔlu kɛtɔ a fɔla a ma ko Ala Denkɛ.

Luka 6:35

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Yohana 1:23

Wo lɔ, Yaya k'ai javi Nabi Ezayi ya kuma le le, a vɛɛ: «Mɔɔ min yi gbanɔla fuwa lɔ ko: ‹Ài yi siya latelen mɔ Tii yɛ!› Ǹe le wo tii le.»

Yohana 1:27

Ale le natɔ ǹ kɔ, kɛɛ hali ka aa samala julu fɔlin a yɛ, ǹe dɔɔyayine wo ma.»

Yohana 3:28

Ǹ tɛɛ a fɔ mingɛla ko: ‹Ǹe tɛ Masa Tɔɔmasenin ne, kɛɛ ǹ kelayayine a ɲa›, àilu gbu le m̀ masele le ka bɛn wo ma.

Kɛkolu 16:17

A do vɛ bilala mɔ ni Pɔli nu kɔ ka to gbanɔla, a vɛɛ: «Masa Taala ya bɔidennu le ne, minu yi kisiko siya lasena ài ma.»