Luka 1:7 - Ala Ya Salatikan Kula Kitabu

⁷ Wo bɛ n'a kɛ, den tɛɛ tɛ ai bolo, kamasɔlɔn Elizabɛti tɛɛ moso malɔnin ne le, ado ai mɔɔ fila tɛɛ vɛ kɔlɔya bubale.

Luka 1:7 ပူးပေါင်းရင်းမြစ်များ

Luka 1:5

Helodi tɛɛ Jude koovi masaya la waate min nɔ, salakalaseba dɔ tɛɛ je, ai tɛɛ a fɔla min ma Zakaliya, min tɛɛ Abiya ya salakalase jama lɔ. A moso tɛɛ Nabi Haluna bɔzɔn dɔ le le, min tɔɔ tɛɛ ko Elizabɛti.

Luka 1:6

Ai mɔɔ fila tɛɛ telenmande le le Ala ɲakɔlɔ, ai vɛ mɔ Tii ya seliya ni aa jamalilu bɛ lataamana kobɛn.

Luka 1:8

Lon dɔ, Zakaliya tɛɛ aa salakalase baale la Ala ɲakɔlɔ, kamasɔlɔn aa salakalase jama ta waate tɛɛ vɛ se.

Lɔmukalu 4:19

Ala ka wo fɔ waate min nɔ, Ibulahima tɛɛ vɛ kɔlɔya haan fɔɔ san kɛmɛ (100) jate, k'a falikolo masulunya saya la. Hali densɔlɔn waate tɛɛ vɛ timin a moso Salan gbu la. Kɛɛ Ibulahima ma wo foi jate, a dɔ ma bɔ aa limaniya la.

Hebululu 11:11

Limaniya le na kɛla sabu le fana, densɔlɔn see ka di Salan ma, k'a talan a malɔnin tɛɛ ani a tɛɛ vɛ kɔlɔya, kamasɔlɔn min na lahedi tala a yɛ, a ka wo jate lanande le le.