Kɛkolu 9:5 - Ala Ya Salatikan Kula Kitabu

⁵ Sawuli vɛɛ: «Ǹ Tii, jene i le le?» A do ka Sawuli javi, a vɛɛ: «Ǹe le Isa le, i yi min jangatala.

Kɛkolu 9:5 ပူးပေါင်းရင်းမြစ်များ

Kɛkolu 10:14

Kɛɛ Piyɛli vɛɛ: «Ǹ Tii, wo tɛ kɛ feu! M̀ ma fen sɛnɛyabali dɔn ba tuun, kumatɛ fen kɔsɔnin ma!»

Kɛkolu 26:14

Mɔ bɛ k'i ben duu ma. Wo kɛ, ǹ ka kumakan dɔ mɛn, a v'a fɔla ǹ yɛ Hebulukan nɔ, a vɛɛ: ‹Sawuli, Sawuli, mindɛ lɔ i yi ǹ jangatala? I i jɛlɛ madiminna, iwo nisi min y'a tii ya bele tuula.›

Kɛkolu 26:9

«Waate lɔ, ǹe gbu kunfanin tɛɛ ko ǹ'i ǹ senko kɛ ka Nazalɛtika Isa tɔɔ lasenko dansii.

Kɛkolu 5:39

Kɛɛ ni a bɔnin Ala le lɔ, ài tɛnala sena ai la feu. Ài y'a kɛ kobɛn jani ài yi bila Ala la.» Gamaliyɛli ka min fɔ, kititɛɛjama ka diɲa wo ma.

Kɛkolu 9:4

A do k'i ben duu ma ka kumakan dɔ mɛn, wo vɛɛ a yɛ: «Sawuli, Sawuli, mindɛ lɔ i yi ǹ jangatala?»

Kɛkolu 9:6

I wuli, i yi taa so kɔnɔ. I ka kan ka min kɛ, wo fɔtɔ i yɛ je.»

1 Kolɛntikalu 10:22

Jalasa m'a fɛ le ka mɔ Tii ya keleya lawuli? Mɔ fanga walayine ka timin a ta la?

Filipikalu 3:12

A tɛ k'a fɔ m̀'ɛ se ko bɛ dan ma ka ǹ sala sɔlɔn, niwotɛ ka kɛ mɔɔ dafanin ne ka ban. Kɛɛ ǹ'i ǹ lɔjala ka taa ɲafɛ, fɔsa ǹ'i se kɛla mɔɔ dafanin ne, kamasɔlɔn Masa Tɔɔmasenin na ǹ kɛla a ta le wo le kanma.

1 Timote 1:13

Waate lɔ, ǹ tɛɛ a jɛvɛla ka aa mɔɔlu jangata kafaya boloma. Kɛɛ wo bɛ n'a kɛ, a na henandeya jiyala ǹ na, kamasɔlɔn ǹ tɛɛ ko suu wolu kɛla kolɔnbaliya ni limaniyabaliya le lɔ.