Kɛkolu 9:41 - Ala Ya Salatikan Kula Kitabu

⁴¹ Piyɛli k'a mina a bolo ma, k'a lalɔ. Wo kɛ, a ka mumininnu ni kɛsamosolu kili, ka Tabita ɲɛnɛma jiya ai la.

Kɛkolu 9:41 ပူးပေါင်းရင်းမြစ်များ

Malɛkɛ 1:31

Wo lɔ, Isa ka taa a ma, k'a mina a bolo ma k'a lawuli. Wo kɛ, nɛnɛgbani ka bɔ a fali lɔ. Moso do k'i wuli ka gbadon ai yɛ.

Luka 7:12

A masulunyanin so donda la, a ka sokɔnɔmɔɔ siyama bɔtɔla ye, kavelen dɔ fuleni tɛɛ ai bolo. Kɛsamoso dɔ denkɛ kelenpesa le tɛɛ wo le.

Luka 7:15

Fuleni do v'i wulila k'i sii ka kuma damina. Wo kɛnin, Isa ka a don a ba bolo.

Kɛkolu 20:12

Wo kɔ, ai ka taa kavelen ɲɛnɛma le aa luu ma. Ai bɛ josola ka jii wo lɔ kosɛvɛ.

Kɛkolu 3:7

Wo fɔ Piyɛli bolo, a k'a mina a bolokini ma k'a lawuli. A sen ni a sengannalu ka fanga sɔlɔn telemanin.

Kɛkolu 6:1

Waate wo lɔ, Isa kɔbiladennu ka to siyayala. Ado Jahudiya minu bɔnin tɛɛ jamana gbɛlɛlu lɔ minu tɛɛ Gɛlɛkikan fɔla, wolu ka Jahudiya duulennu matelemasɔɔli di, ko mɔɔ minu tɛɛ balo lɔtalala lon bɛ, wolu jɔyine aiya kɛsamosolu ma.

Kɛkolu 9:13

Ananiya do vɛɛ: «Ɛɛ, ǹ Tii! M̀'ɛ a mɛn mɔɔ siyama da ko kɛ́ min vɛ koyon siyama kɛ iya mumininnu la Jelusalɛmu.

Kɛkolu 9:32

Piyɛli ka to koovi wo fan bɛ lɔtaamana, lon dɔ, a ka taa bɔ mumininnu ma Lida so kɔnɔ.

1 Timote 5:3

Kɛsamoso minu kelen vɛ to bɛlɛbɛlɛ le, i yi wolu mina buɲali boloma.

1 Timote 5:5

Kɛsamoso min kelenpesa tonin, wo jei siinin Ala le la. A do yi Ala madiyala ka Ala dali su ni tele.