Kɛkolu 9:22 - Ala Ya Salatikan Kula Kitabu

²² Kɛɛ a dɔ ka to lala Sawuli fanga kɔkan haan fɔɔ ka Damase Jahudiyalu kɔnɔlɔfili, kamasɔlɔn a k'a lagbɛ ai yɛ ko Isa le Masa Tɔɔmasenin ne.

Kɛkolu 9:22 ပူးပေါင်းရင်းမြစ်များ

Luka 21:15

Kamasɔlɔn ǹe gbu le kɛtɔ ài lalɔnnila hangilimaya kumalu la, haan fɔɔ ài kɛlɛɲɔɔ suu suu tɛnala sena ài la, niwotɛ k'ài kumakannu sɔsɔ.

Kɛkolu 17:3

ka wolu kɔlɔ fɔ k'a lagbɛ ko Masa Tɔɔmasenin tɛɛ ka kan ka tɔlɔya, ka ban k'i wuli ka bɔ saya lɔ. A do vɛɛ: «Ǹ'i Isa min ya ko lasena ài ma yi ne, ale le Masa Tɔɔmasenin ne.»

Kɛkolu 18:5

Silasi ni Timote ka na mingɛ ka bɔ Maseduwani, Pɔli k'a gbaladon Ala kumakan lasenko ma, a vɛ seleya dila Jahudiyalu ma ko Isa le Masa Tɔɔmasenin ne.

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

Kɛkolu 9:21

A lamɛnbalu bɛ dala ka ja, ai vɛɛ: «Kɛ́ min ne tɛɛ tɛ mɔɔlu halakila Jelusalɛmu, minu yi Ala dalila Isa tɔɔ lɔ? Jalasa a nanin tɛ jan dailu kelen wo le la, ka mɔɔ wolu mina ka taa ai le salakalase kuntiibalu fɛ?»

Kɛkolu 9:23

Tele siyama timin kɔ, ai k'ai kun bilin i ɲɔɔ ma ka Sawuli faako ɲaɲinin,

Kɛkolu 9:27

Kɛɛ Baanabasi le k'a bolo sii Sawuli kɔlɔ ka taa a le Isa ya keladennu fɛ. A do ka Sawuli ya ko ɲafɔ ai yɛ, a na mɔ Tii yena siya la teme, wo ka kuma a yɛ teme, ani Sawuli tɛɛ kawanili kɛla teme Isa tɔɔ lɔ josolagbeleya boloma Damase.

1 Kolɛntikalu 1:27

Kɛɛ dunuɲamɔɔlu yi fen minu tala fen kundan ne, Ala na wolu le tala fɔsa a yi hangilimalu lamaloya. Ado dunuɲamɔɔlu yi fen minu tala fen fangandan ne, Ala na wolu le tala fɔsa a yi fangamalu lamaloya.

Galatiyakalu 1:18

San sawa timinnin, ǹ ka taa bɔ Piyɛli ma Jelusalɛmu fɔsa m'i ɲɔɔ lɔn. Ado ǹ ka tele tan ni loolu (15) kɛ a fɛ.

Filipikalu 4:13

Ǹ'i sene ko bɛ dɔ kɛla mɔ Tii sabu la min yi fanga dila m̀ ma.

1 Timote 1:12

Ǹ'i balika bɔla mɔ Tii Masa Tɔɔmasenin Isa yɛ, ale min na ǹ sɛmɛdonna, kamasɔlɔn a vɛ ǹ jate lanande le ka m̀ bila aa bɔidenya la.