Kɛkolu 9:20 - Ala Ya Salatikan Kula Kitabu

²⁰ A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

Kɛkolu 9:20 ပူးပေါင်းရင်းမြစ်များ

Matiyu 27:43

A lanin Ala la. Ni aa ko diyanin ka kɛ Ala yɛ, Ala gbu y'a lakisi vɛ! Kamasɔlɔn ale le n'a fɔla, a vɛɛ: ‹Ala Denkɛ le ǹ ne.› »

Matiyu 27:54

Sɔdasi kuntii ni aa mɔɔ minu ɲa bɛnnin tɛɛ Isa ma, wolu ka duukolo jaajaatɔ ye mingɛ, ani ko minu bɛ kɛnin, ai ka siyan bubale. Ai do vɛɛ: «Tuɲa le, kɛ́ min tɛɛ Ala Denkɛ le le!»

Matiyu 4:3

Soitana k'i madon a la k'a fɔ a yɛ, a vɛɛ: «Ni Ala Denkɛ le i le, i y'a fɔ kawakulun minu yɛ ko ai yi jɛlɛma ka kɛ bulu le.»

Yohana 1:49

Nataniyɛli k'a javi, a vɛɛ: «Kalanmɔɔ, Ala Denkɛ le i le le, ani Isilan masakɛ!»

Yohana 19:7

Jahudiya kuntiilu do k'a javi, ai vɛɛ: «Seliya dɔ yi mɔ bolo, ado ka bɛn seliya wo ma, a ka kan ka faa, kamasɔlɔn a bolo ko Ala Denkɛ le a le.»

Yohana 20:28

Tomasi k'a javi, a vɛɛ: «Ǹ Kuntii, ani ǹ Tii!»

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Kɛkolu 13:14

Ai bɔnin Pɛlɛga, ai ka se Antiyɔsi so kɔnɔ, min yi Pisidi koovi lɔ. Nɔningɛlon senin, ai ka don Aladalibon na k'i sii.

Kɛkolu 13:33

a vɛ wo mafa ǹu ai bɔzɔnnu yɛ, kamasɔlɔn Ala na Isa lawulila ka bɔ saya lɔ, iwo a sɛvɛnin teme Zabuli sula filana lɔ, ko: ‹Ǹ denkɛ le i le, m̀'ɛ kɛ i fa le bi.›

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 13:5

Ai senin Salamisi so kɔnɔ, ai ka Ala kumakan lase damina Jahudiyalu ya Aladalibonnu la. Yohana (ai tɛɛ a fɔla min ma ko Malɛkɛ), wo tɛɛ ai madɛmɛnna.

Kɛkolu 14:1

Pɔli ni Baanabasi senin Ikoniyɔmu so kɔnɔ, ai ka don Jahudiyalu ya Aladalibon na. Ai ka to kumala boloɲa dɔ ma, Jahudiya ni Gɛlɛkika siyama ka limaniya.

Kɛkolu 16:13

Nɔningɛlon senin, mɔ ka taa kɔɔ dala so kɔma, a tɛɛ mɔ jii ma k'a fɔ ko mɔ kɛtɔ Jahudiyalu ya Aladaliya dɔ yena je. Wo kɛ, mɔ k'i sii ka kuma damina moso dɔlu yɛ, minu ladɛnnin tɛɛ je.

Kɛkolu 17:10

Su ka ko mingɛ feeya, limaniyamɔɔlu ka Pɔli ni Silasi lataa so gbɛlɛ la, min tɔɔ yi ko Beleya. Ai senin je, ai ka taa Jahudiyalu ya Aladalibon na.

Kɛkolu 17:17

A do tɛɛ taala Aladalibon na je ka kuma Jahudiyalu yɛ, ani siboloma gbɛlɛ minu tɛɛ siyanna Ala ɲa. Lon bɛ, a tɛɛ taala bala lɔ fana ka kuma mɔɔlu yɛ minu tɛɛ kɛla je.

Kɛkolu 17:2

Wo lɔ, Pɔli ka taa je Nɔningɛlon, iwo a deinin tɛɛ a kɛla teme. A do ka Nɔningɛlon sawa kɛ je, a vɛ kumala mɔɔlu yɛ ka bɛn kitabulu ma,

Kɛkolu 18:19

Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ.

Kɛkolu 18:4

Ado Nɔningɛlon bɛ, Pɔli tɛɛ taala Aladalibon na ka kuma Jahudiyalu ni Gɛlɛkikalu yɛ, a v'i lɔjala k'ai lakunfa.

Kɛkolu 19:8

Kalo sawa kɔlɔ, Pɔli tɛɛ taala Aladalibon na ka kuma mɔɔlu fɛ josolagbeleya boloma, k'i lɔja k'ai lakunfa Ala ya masaya ma.

Kɛkolu 8:36

Ai ka to taala ka se kɔɔ dɔ ma mingɛ, kɛ́ do vɛɛ Filipe yɛ: «A ye, kɔɔ le ne! Mindɛ le yi ǹ dansiila m̀ makoko la?»

Kɛkolu 8:37

[Filipe k'a javi, a vɛɛ: «Ni i ka limaniya i josokun bɛ la, wo yi sene kɛla.» Kɛ́ do vɛɛ: «M̀'ɛ limaniya k'a fɔ ko Masa Tɔɔmasenin Isa yi Ala Denkɛ le le.»]

Kɛkolu 9:22

Kɛɛ a dɔ ka to lala Sawuli fanga kɔkan haan fɔɔ ka Damase Jahudiyalu kɔnɔlɔfili, kamasɔlɔn a k'a lagbɛ ai yɛ ko Isa le Masa Tɔɔmasenin ne.

Lɔmukalu 1:4

Kɛɛ Nii Sɛnɛyanin na aa ko jiyala fanga le boloma k'a fɔ ko Ala Denkɛ le a le, ka bɛn a wuliko ma ka bɔ saya lɔ.

Galatiyakalu 1:16

ka a Denkɛ lankɛnɛmaya ǹ yɛ, fɔsa ǹ'aa ko lase siboloma gbɛlɛ mɔɔlu ma. Wo ka kɛ mingɛ, m̀ ma hangili ɲinin mɔɔ foi la.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ko Lankɛnɛmayanin 2:18

«A sɛvɛ k'a lataa limaniyajama ya mɛlɛka ma min yi Tiyatila so kɔnɔ, i vɛɛ: ‹A ye, Ala Denkɛ min ɲaden kɛnin iwo taamɛnɛn, ani min sen yi mɛnɛnna iwo solawulɛnnɛɛ manuunnin, wo kan ne min ne: