Kɛkolu 9:19 - Ala Ya Salatikan Kula Kitabu

¹⁹ A ban kɔ dɔnnila, a ka fanga sɔlɔn. Sawuli ka tele dana kɛ limaniyamɔɔlu fɛ Damase.

Kɛkolu 9:19 ပူးပေါင်းရင်းမြစ်များ

Kɛkolu 11:26

A k'a ye mingɛ, a ka na a le Antiyɔsi. Ai ka san kelen kɛ je, ai vɛ ladɛn kɛla limaniyajama fɛ ka mɔɔ siyama kalan. Antiyɔsi sokɔnɔmɔɔlu le k'a fɔ Isa kɔbiladennu ma kunfɔlɔ le ko Keletiyɛnnu.

Kɛkolu 11:29

Wo lɔ saa, Isa kɔbiladen minu tɛɛ Antiyɔsi, wolu k'a latɛɛ ko ai kelenkelenna bɛ y'ai senko kɛ k'ai badenmalu madɛmɛn minu siinin tɛɛ Jude koovi lɔ.

Kɛkolu 26:20

Ǹ ka Damasekalu le kawani kunfɔlɔ le, wo kɔ, Jelusalɛmu ni Jude koovi bɛ, ani siboloma gbɛlɛlu. Ǹ ko ai bɛ y'ai dajoo mafalin k'ai fannɔsei Ala ma, k'ai kɛkolu kɛ minu bɛnnin ai dajoo mafalinko ma.

Kɛkolu 9:18

Telemanin, fen dɔlu ka bɔ Sawuli ɲa ma, minu kɛnin tɛɛ iwo jɛɛ fala. A do ka se yeni kɛla kɔtunun. A wulinin, ai k'a mako ji kɔlɔ.

Kɛkolu 9:26

Sawuli senin Jelusalɛmu, a k'a bilako lɔsuma Isa kɔbiladennu fɛ, kɛɛ ai bɛ tɛɛ siyanna a ɲa. Ai do tɛɛ ma la a la k'a fɔ ko Isa kɔbiladen bɛlɛbɛlɛ le a le.

Kɛkolu 9:38

Komi Lida so masulunyanin tɛɛ Jopa la, wo lɔ, Isa kɔbiladen minu tɛɛ Jopa k'a mɛn mingɛ ko Piyɛli yi Lida, ai ka mɔɔ fila kelaya a ma k'a madiya ko a yi na telemanin.

Galatiyakalu 1:17

Ǹe do ma taa keladennu fɛlɔ Jelusalɛmu minu kɛnin keladen ne ǹ ɲa, mafɔ ǹ ka taa Alabu jamana le lɔ bene. Wo kɔ, ǹ ka ǹ kɔsei Damase so kɔnɔ.