Kɛkolu 9:18 - Ala Ya Salatikan Kula Kitabu

¹⁸ Telemanin, fen dɔlu ka bɔ Sawuli ɲa ma, minu kɛnin tɛɛ iwo jɛɛ fala. A do ka se yeni kɛla kɔtunun. A wulinin, ai k'a mako ji kɔlɔ.

Kɛkolu 9:18 ပူးပေါင်းရင်းမြစ်များ

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 2:41

Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

Kɛkolu 22:13

A ka na k'i lɔ ǹ dafɛ k'a fɔ ǹ yɛ, a vɛɛ: ‹M̀ badenma Sawuli, i ɲa la yi ka.› Wo fɔ, ǹ ɲa la ka ka telemanin, ǹ k'a ye.

Kɛkolu 22:16

I yi mindɛ makɔnɔna butu? I wuli, i yi madaili kɛ mɔ Tii Isa tɔɔ lɔ, ka ban ka makoli sɔlɔn, fɔsa iya julumbulu yi bɔ i ma.›

Kɛkolu 9:17

Wo lɔ, Ananiya vɛ taala ka don bon wo la, k'a bolo la Sawuli kan, k'a fɔ a yɛ, a vɛɛ: «M̀ badenma Sawuli, mɔ Tii Isa min n'a jɛlɛ jiyala i la siya la, i tɛɛ nala jan waate min nɔ, wo le na ǹ lanala fɔsa i ɲa la yi ka kɔtunun, ani i josola yi fa Nii Sɛnɛyanin la.»

Kɛkolu 9:19

A ban kɔ dɔnnila, a ka fanga sɔlɔn. Sawuli ka tele dana kɛ limaniyamɔɔlu fɛ Damase.

Kɛkolu 9:8

Sawuli do v'i wulila duu ma k'a ɲa maka, kɛɛ a tɛɛ tɛ yeni kɛla. Wo lɔ, ai k'a bolo mina ka taa a le Damase.

2 Kolɛntikalu 3:14

Kɛɛ do, Bani Isilankalu hangili la ka gbasi. Hali bi, ni wolu ka kɛ salatikan kɔlɔ kitabulu kalanna, a kɛyine iwo faani kelen wo le bilinnin ai ɲa la bene. Faani wo ma bɔ je, kamasɔlɔn a tɛ se bɔla je ni mɔɔ ma don Masa Tɔɔmasenin ya kafonɲɔɔya lɔ.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.