Kɛkolu 8:37 - Ala Ya Salatikan Kula Kitabu

³⁷ [Filipe k'a javi, a vɛɛ: «Ni i ka limaniya i josokun bɛ la, wo yi sene kɛla.» Kɛ́ do vɛɛ: «M̀'ɛ limaniya k'a fɔ ko Masa Tɔɔmasenin Isa yi Ala Denkɛ le le.»]

Kɛkolu 8:37 ပူးပေါင်းရင်းမြစ်များ

Matiyu 16:16

Simɔn Piyɛli k'a javi, a vɛɛ: «Ile le Masa Tɔɔmasenin ne, ani Ɲɛnɛmayatii Ala Denkɛ.»

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Yohana 11:27

Maata do k'a javi, a vɛɛ: «Aan, ǹ Kuntii. M̀'ɛ limaniya k'a fɔ ile le Masa Tɔɔmasenin ne ani Ala Denkɛ, min ka kan ka na dunuɲa.»

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 6:68

Simɔn Piyɛli k'a javi, a vɛɛ: «Ǹ Kuntii, m'i taa jene kɔ ni ile tɛ? Niimaya banbali kumalu yi ile le bolo.

Yohana 9:35

Isa k'a mɛn mingɛ ko ai vɛ kɛ́ wo gbɛn, a do ka taa a ɲinin k'a maɲininga, a vɛɛ: «I limaniyanin Mɔɔnivin Tanin ma?»

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 8:12

Kɛɛ Samakan Kein ka bɛn Ala ya masaya ma ani Masa Tɔɔmasenin Isa tɔɔ, Filipe ka wo lase ai ma mingɛ, ai ka limaniya. A do k'ai mako ji kɔlɔ, kɛ́ ni mosolu.

Kɛkolu 8:21

I fɛ tɛ maa baale la feu, kamasɔlɔn i joso telennin tɛ Ala ɲakɔlɔ.

Kɛkolu 8:36

Ai ka to taala ka se kɔɔ dɔ ma mingɛ, kɛ́ do vɛɛ Filipe yɛ: «A ye, kɔɔ le ne! Mindɛ le yi ǹ dansiila m̀ makoko la?»

Kɛkolu 8:38

Etiyopiya kɛ́ do ka jamali di soowotolo bɔliba ma ko a yi lɔ. Wo kɛ, ai mɔɔ fila bɛ ka jii kɔɔ lɔ, Filipe do ka a mako.

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

Lɔmukalu 10:10

Kamasɔlɔn ni i ka limaniya i josokun nɔ, Ala y'i jatele telenmande le. Ado ni i k'i lɔ a la i da le, i yi kisile.

1 Kolɛntikalu 12:3

Wo lɔ, ǹ'a fɛ ài y'a ɲaye ko mɔɔ min vɛ kɛla kumala Ala Nii Sɛnɛyanin sabu la, wo tii tɛnala a fɔla ko: «Isa daanyine!» Ado mɔɔ tɛnala a fɔla ko: «Isa yi ǹ Tii le le», ni Nii Sɛnɛyanin tɛ wo tii ma fɛ.

1 Piyɛli 3:21

Ji wo kɛnin makoli misali le le, min àilu fana lakisila yi ne. Wo tɛ nɔɔ bɔla mɔ falikolo ma, kɛɛ a yi jososɛnɛyanin daliko le le Ala la ka bɛn Masa Tɔɔmasenin Isa lawuliko ma ka bɔ saya lɔ,

1 Yohana 4:15

Ni mɔɔ min k'i lɔ a la ko Isa yi Ala Denkɛ le le, wo vɛ kɛla, Ala yi wo tii ya kafonɲɔɔya lɔ, ado wo tii fana yi Ala ya kafonɲɔɔya lɔ.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

1 Yohana 5:10

Ni mɔɔ min ka limaniya Ala Denkɛ ma, wo tii yi Ala ya seleyakan wo ladalola a josokun nɔ. Kɛɛ do, ni mɔɔ min ma limaniya Ala ma, wo tii vɛ Ala kɛ faɲafɔba le, kamasɔlɔn a ma limaniya seleyakan wo ma, Ala na min dila ka bɛn a Denkɛ ma.

1 Yohana 5:5

Jene vɛ see sɔlɔn dunuɲa ma ni a tɛ mɔɔ le min limaniyanin a ma ko Isa yi Ala Denkɛ le le?