Kɛkolu 8:25 - Ala Ya Salatikan Kula Kitabu

²⁵ Piyɛli ni Yohana wɔlinin seleya dila ka bɛn Isa ma, ani ka mɔ Tii kumakan lase, ai vɛ seikɔla Jelusalɛmu. Ai taatɔla, ai ka to Samakan Kein lasena Samaliyakalu ya soni siyama la.

Kɛkolu 8:25 ပူးပေါင်းရင်းမြစ်များ

Matiyu 10:5

Isa ka mɔɔ tan ni fila (12) wolu kelaya. A do vɛɛ ai yɛ: «Ài kà taa siboloma gbɛlɛlu fɛlɔ. Ài do kà don Samaliyakalu ya so suu suu la.

Luka 16:28

Kamasɔlɔn ǹ dɔɔkɛ mɔɔ loolu yi je. Diɲa, a yi taa ai lali, alako ai kana na jangata dingila min nɔ.›

Yohana 15:27

Àilu gbu kɛtɔ m̀ masele le, kamasɔlɔn ài vɛ to ǹ fɛ ka ta a damina ma.»

Kɛkolu 1:8

Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

Kɛkolu 13:12

Jamanatii ka ko min kɛnin ye mingɛ, a ka limaniya, kamasɔlɔn mɔ Tii ya kalan k'a lakawakoya kosɛvɛ.

Kɛkolu 18:5

Silasi ni Timote ka na mingɛ ka bɔ Maseduwani, Pɔli k'a gbaladon Ala kumakan lasenko ma, a vɛ seleya dila Jahudiyalu ma ko Isa le Masa Tɔɔmasenin ne.

Kɛkolu 20:21

Ǹ tɛɛ Jahudiyalu ni siboloma bɛ lalila ko ai y'ai jɛlɛ lasei Ala ma, ka limaniya mɔ Tii Isa ma.

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Kɛkolu 28:28

Pɔli k'a dɔ la kuma wo kɔkan, a vɛɛ: «Ài y'a lɔn ko Ala ya kisiko la vɛ se siboloma gbɛlɛ mɔɔlu ma. Wolu do kɛtɔ ai tolomalɔla a la!»

Kɛkolu 28:31

A do tɛɛ Ala ya masaya ko lasena josolagbeleya boloma, ka mɔɔlu kalan ka bɛn mɔ Tii Masa Tɔɔmasenin Isa ya ko ma, ado mɔɔ foi ma a dansii wo la.

Kɛkolu 8:40

Filipe do k'a jɛlɛ ye Azotu so kɔnɔ. A taatɔla, a vɛ Samakan Kein lasena so bɛ la haan fɔɔ ka se Sezale.

1 Piyɛli 5:12

Silasi, ǹ'i min jatela m̀ badenma lanande le, wo vɛ m̀ madɛmɛn lɛtɛlɛ kulunni min sɛvɛko lɔ, fɔsa ǹ'a magbeleya ài yɛ ani ka ǹa seleya di ko Ala ya nɛɛma bɛlɛbɛlɛ le min ne, ài bolo kɛnin min na kpekpe.