Kɛkolu 7:55 - Ala Ya Salatikan Kula Kitabu

⁵⁵ Kɛɛ Etiyɛn joso lafanin ka to Nii Sɛnɛyanin la, a k'a ɲa kaa sangbolo lɔ ka Ala nɔɔlɔ ye, ani ka Isa lɔnin ye Ala bolokini fannɔ.

Kɛkolu 7:55 ပူးပေါင်းရင်းမြစ်များ

Malɛkɛ 16:19

Mɔ Kuntii Isa ka ban wo fɔla ai yɛ mingɛ, a kɔlɔ ka ta ka taa haijɛnɛ k'i sii Ala bolokini fannɔ.

Yohana 11:41

Wo fɔ, ai ka kawakulun makulukulu k'a bɔ kabulu da la. Isa k'a ɲa lajɛlɛ sanma k'a fɔ, a vɛɛ: «Ǹ Fa, ǹ'i balika bɔla i yɛ kamasɔlɔn i vɛ ǹ kan mɛn.

Yohana 12:41

Nabi Ezayi na wo fɔla, baa a tɛɛ vɛ Isa ya magbiliyali ye ka kuma ka bɛn a ma.

Yohana 14:3

M̀'ɛ taala ài siiya lɔbɛnna, ǹ seikɔtɔ ka na ài ta ka taa ài le, fɔsa ǹ'i tɛɛminja, àilu fana yi kɛ woja.

Kɛkolu 2:4

Ai bɛ josola ka fa Nii Sɛnɛyanin la, ai do ka kuma damina kan gbɛlɛlu lɔ iwo Nii Sɛnɛyanin ka see di ai ma teme.

Kɛkolu 4:8

Wo fɔ, Piyɛli joso lafanin ka to Nii Sɛnɛyanin la, a vɛɛ ai yɛ: «Ɲamɔɔlu ni kɛmɔbalu,

Kɛkolu 6:10

Kɛɛ ai ma se ai lɔla a ɲa, kamasɔlɔn Nii Sɛnɛyanin tɛɛ hangili dila a ma, a vɛ kɛla kumala.

Kɛkolu 6:3

Wo ma, mɔ badenmalu, ài yi kɛ́ wolowulan ta ài tɛma, minu mangutu ɲuma yi fɔla ko ai joso lafanin Nii Sɛnɛyanin la, ani ko hangilima le ai le. Ài m'i wolu lasii baale wo kunna.

Kɛkolu 6:5

Ai ka jatesiili min kɛ, wo ka diya jama bɛ yɛ. Wo lɔ, ai ka Etiyɛn ta, min ya limaniya walanin tɛɛ kosɛvɛ, a do joso lafanin tɛɛ Nii Sɛnɛyanin la. Ai ka Filipe fana ta, ani Polokolu, Nikanɔ, Timon, Palimɛnasi, ani Nikola ka bɔ Antiyɔsi min tɛɛ vɛ don Jahudiyalu ya diina lɔ.

Kɛkolu 6:8

Ala ya nɛɛma ni foniseleya ka to Etiyɛn kɔkan, a tɛɛ kawananko balu ni tɔɔmaselu kɛla mɔɔlu tɛma.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 8:1

Maa kuma bɛ kun yi min ne, wo le ne: Salakalase kuntiiba wo suu yi mɔ bolo, min siinin Masa Kɔlɔtaninba ya masayasiifen bolokini fannɔ haijɛnɛ,

2 Piyɛli 1:17

Kamasɔlɔn a na buɲa ni magbiliyali sɔlɔnna mɔ Fa Ala la waate min nɔ, kumakan dɔ ka bɔ Masa Fonisele fɛ k'a fɔ a yɛ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale.»

Ko Lankɛnɛmayanin 21:11

A do tɛɛ mɛnɛnna Ala nɔɔlɔ bolo. A nɔɔlɔ tɛɛ mɛnɛnna kɛnɛya gbelen ni kɛnɛya gbɛ le iwo sani ni kawa daagbɛlɛn dɔ, ai y'a fɔla min ma jasipe.