Kɛkolu 7:52 - Ala Ya Salatikan Kula Kitabu

⁵² Wo kela vɛ je, k'a fɔ ko ài bemanu ma min jangata? Ai do ka keladen wolu faa, minu tɛɛ Ala ya Mɔɔ Telennin nako lasena, ài na min janvala yi ne k'a faa.

Kɛkolu 7:52 ပူးပေါင်းရင်းမြစ်များ

Matiyu 5:12

Ài kɔnɔlɔ yi diya bubale, kamasɔlɔn ài kɛtɔ balayi ba le sɔlɔnna haijɛnɛ, kamasɔlɔn ai ka kela kɔlɔkɔlɔlu jangata ten ne.»

Luka 6:23

Wo vɛ kɛla lon min, ài y'ài gban sawa boloma, kamasɔlɔn ài kɛtɔ balayi ba le sɔlɔnna haijɛnɛ. Kamasɔlɔn mɔɔ minu yi koyon wo suu kɛla ài la, wolu bemanu na wo ɲɔɔzii le kɛla kelalu la.

Yohana 16:10

Ai filinin ka bɛn telenmandeyako ma, kamasɔlɔn ǹ taatɔle ǹ Fa fɛlɔ, ài do tɛnala ǹ yena butu.

Kɛkolu 2:23

Kɛɛ ka bɛn Ala ya latɛɛ ni lɔnni ma, ài k'a mina k'a don koyonkɛbalu bolo, fɔsa ài y'a gbaan kɔlɔman ma ka faa.

Kɛkolu 22:14

A do vɛɛ ǹ yɛ: ‹Mɔ bemanu Tii Ala na i tala, fɔsa i y'a sawo lɔn, ka aa Mɔɔ Telennin ye, ani k'a dalakan mɛn.

Kɛkolu 3:18

Kɛɛ Ala na aa kuma mafala boloɲa min ne ma, min fɔnin kelalu bɛ bolo, ko aa Masa Tɔɔmasenin kɛtɔ tɔlɔya masɔlɔnna.

Kɛkolu 3:24

Ado kelalu bɛ ka kuma ka bɛn Masa Tɔɔmasenin ya waate ma. Ka damina Kela Samuyɛli ma, ani minu nanin a kɔ, ai tɛɛ waate min ne lasena.

Kɛkolu 4:10

Wo lɔ saa, àilu ni Bani Isilankalu bɛ y'a lɔn ko Masa Tɔɔmasenin Isa Nazalɛtika, ài na min gbaanna kɔlɔman ma, kɛɛ Ala n'a lawulila ka bɔ saya lɔ, wo le tɔɔ kɛnin sabu le kɛ́ min lakɛnɛyanin lɔnin ài ɲakɔlɔ.

1 Tɛsalonikakalu 2:15

Jahudiya wolu le na mɔ Tii Isa faala, ani kelalu, ka ǹu gbu gbɛn aiya jamana kɔnɔ. Ai do yi Ala lagbeyanankolu le kɛla, k'ai lɔ adamaden bɛ ɲa,

2 Timote 3:4

ani janvande, ani kolakɔlɔsibali, ani mɔɔ fannɔba. Ai jɛlɛ diyabɔkolu le kɛtɔ diyala ai yɛ ka timin Ala ya kolu la.

1 Piyɛli 1:11

Ai tɛɛ ai lɔjala k'a lɔn ko wolu kɛtɔ kɛla waate min nɔ, ani ai kɛtɔ ɲa min ma, Masa Tɔɔmasenin Nii sabu la min tɛɛ ai josokun nɔ. Kamasɔlɔn wo tɛɛ seleya dila ka bɛn ko minu ma jani ai kɛ waate tɛɛ se, a vɛ ai lalɔnnila ka bɛn Masa Tɔɔmasenin ya tɔlɔya ni aa magbiliyali natɔlu ma.

1 Yohana 2:1

Ǹ dennu, ǹ'i ko minu sɛvɛla ài ma fɔsa ài kana julumbu ta. Kɛɛ ni mɔɔ dɔ ka julumbu ta, mɔ makofɔba yi mɔ Fa le fɛlɔ. Wo le Masa Tɔɔmasenin Isa le, min telennin.

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.

Ko Lankɛnɛmayanin 3:7

«A sɛvɛ k'a lataa limaniyajama ya mɛlɛka ma min yi Filadɛfiya so kɔnɔ, i vɛɛ: ‹A ye, min sɛnɛyanin, min yi tuɲande le, Masakɛ Dawuda ya koɲii yi min bolo, min vɛ da lakala, mɔɔ foi tɛ se a datuunna, ani min vɛ da latuunna, mɔɔ foi tɛ se a lakala, wo kan ne min ne: