Kɛkolu 6:14 - Ala Ya Salatikan Kula Kitabu

¹⁴ Kamasɔlɔn mɔ na a kan mɛnna ko Nazalɛtika Isa kɛtɔ lɔhɔlɔmabonba min tela ka maa laanalu mafalin, Nabi Musa na minu dila mɔ bemanu ma.»

Kɛkolu 6:14 ပူးပေါင်းရင်းမြစ်များ

Matiyu 26:61

«Kɛ́ min n'a fɔla ko a yi sene lɔhɔlɔmabonba tela, ka ban k'a lɔ kɔtunun tele sawa kɔlɔ.»

Malɛkɛ 14:58

«Mɔ na a kan mɛnna ko lɔhɔlɔmabonba min lɔnin mɔɔlu bolo, ko a kɛtɔ wo tela k'a dɔgbɛlɛ lɔ tele sawa kɔlɔ, mɔɔ ma min lɔ.»

Luka 21:24

Ai dɔlu faatɔ siyamifan ne, ani a dɔlu fana minatɔ jɔnya boloma ka taa ai le jamana bɛ lɔ. Wo vɛ kɛla, Jelusalɛmu lɔ kɛtɔ tiɲala siboloma gbɛlɛ Alalɔnbalilu bolo haan fɔɔ aiya waate vɛ dafala.

Luka 21:6

«Ài ɲa yi fen minu la yi ne, lon dɔ wolu bɛ tetɔle tɛtɛ, hali kawakulun fila gbu tɛnala tola i ɲɔɔ kɔkan.»

Yohana 2:19

Isa k'ai javi, a vɛɛ: «Ài yi lɔhɔlɔmabonba min te, ǹe do kɛtɔ a lɔla kɔtunun tele sawa kɔlɔ.»

Yohana 4:21

Isa k'a javi, a vɛɛ: «Ile moso, i yi la ǹ na ko lon dɔ natɔ, ài tɛnala mɔ Fa Ala batola tini min kɔkan, niwotɛ Jelusalɛmu.

Kɛkolu 15:1

Wo kɔ, kɛ́ dɔlu ka na Antiyɔsi ka bɔ Jude koovi lɔ, minu tɛɛ limaniyamɔɔlu kalanna, ai vɛɛ: «Ni ài ma kɛnɛkɛ ka bɛn Nabi Musa ya laana ma, ài tɛnala sena kisila.»

Kɛkolu 21:21

Kɛɛ ai n'a mɛnna ko i yi Jahudiyalu bɛ kalanna, minu jɛzɛnnin siboloma gbɛlɛ mɔɔlu tɛma, ko ai yi Nabi Musa ya seliya dabila, k'ai nɔningɛ ai denkɛlu makɛnɛkɛla, ani k'ai ban maa laanalu lɔ.

Kɛkolu 25:8

Wo kɔ, Pɔli k'a kumanɔbɔ, a vɛɛ: «M̀ ma koyon foi kɛ min yi kɛ Jahudiyalu ya seliya tiɲako le, ani min yi kɛ lɔhɔlɔmabonba lakɔsɔko le, niwotɛ ka kuma yon fɔ Lɔmu masakɛba ma.»

Kɛkolu 26:3

Kamasɔlɔn i ka Jahudiyalu ya laanalu ni aiya sɔsɔyalikolu bɛ lɔn ne kosɛvɛ. Wo lɔ, i jon, i i tolomalɔ ǹ na sawali boloma.

Kɛkolu 28:17

Tele sawa timin kɔ, Pɔli ka Jahudiya ɲamɔɔlu kili. Ai ka na k'ai ladɛn mingɛ, a vɛɛ ai yɛ: «M̀ badenmalu, m̀ ma koyon kɛ maa mɔɔlu la, niwotɛ ka mɔ bemanu ya laanalu mafɔ. Wo bɛ n'a kɛ, ai ka m̀ mina Jelusalɛmu ka ǹ don Lɔmukalu bolo.

Galatiyakalu 3:19

Wo lɔ saa, seliya kun yi mindɛ le? Seliya wo ka kafon Ala ya lahedi kɔkan ka kɛ mɔɔlu jobaliyala, haan fɔɔ Ibulahima bɔzɔn tɛɛ na, min ya lahedi tanin. Ado seliya wo lajiinin mɛlɛkalu le bolo Nabi Musa ma, min tɛɛ mɔɔluwotɛmɔɔ le.

Galatiyakalu 3:23

Jani limaniya waate tɛɛ se, mɔ tɛɛ seliya ya jɔnya le lɔ. Mɔ ka to wo boloɲa ma limaniya makɔnɔna min natɔ bɔla gbɛ la.