Kɛkolu 6:1 - Ala Ya Salatikan Kula Kitabu

¹ Waate wo lɔ, Isa kɔbiladennu ka to siyayala. Ado Jahudiya minu bɔnin tɛɛ jamana gbɛlɛlu lɔ minu tɛɛ Gɛlɛkikan fɔla, wolu ka Jahudiya duulennu matelemasɔɔli di, ko mɔɔ minu tɛɛ balo lɔtalala lon bɛ, wolu jɔyine aiya kɛsamosolu ma.

Kɛkolu 6:1 ပူးပေါင်းရင်းမြစ်များ

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Kɛkolu 11:20

Kɛɛ Jahudiya kɛ́ dɔlu ka bɔ Sipele ni Silɛni ka se Antiyɔsi. Ai do vɛ mɔ Tii Isa ya Samakan Kein lasena siboloma gbɛlɛ mɔɔlu fana ma.

Kɛkolu 11:26

A k'a ye mingɛ, a ka na a le Antiyɔsi. Ai ka san kelen kɛ je, ai vɛ ladɛn kɛla limaniyajama fɛ ka mɔɔ siyama kalan. Antiyɔsi sokɔnɔmɔɔlu le k'a fɔ Isa kɔbiladennu ma kunfɔlɔ le ko Keletiyɛnnu.

Kɛkolu 11:29

Wo lɔ saa, Isa kɔbiladen minu tɛɛ Antiyɔsi, wolu k'a latɛɛ ko ai kelenkelenna bɛ y'ai senko kɛ k'ai badenmalu madɛmɛn minu siinin tɛɛ Jude koovi lɔ.

Kɛkolu 2:41

Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

Kɛkolu 2:45

Ai do tɛɛ aiya duulu ni ai bolofennu felela ka wɔli wo lɔtala i ɲɔɔ wotɛ, ka bɛn ai kelenkelenna bɛ mako jate ma.

Kɛkolu 2:47

Ai tɛɛ Ala tanula waate bɛ, ai do kokɛɲa tɛɛ mɔɔ bɛ josolajiila. Lon lon, mɔ Tii tɛɛ mɔɔlu lakisila k'ai bɔ aiya julumbulu lɔ, ka wolu kafon mɔɔ lakisininnu kɔkan.

Kɛkolu 4:35

ka na wɔli wo le keladennu fɛ. Keladennu tɛɛ wɔli wo le lɔtalala limaniyamɔɔlu wotɛ ka bɛn ai kelenkelenna bɛ mako jate ma.

Kɛkolu 4:4

Kɛɛ wo bɛ n'a kɛ, mɔɔ minu na Ala kumakan mɛnna, wolu siyama ka limaniya, ka limaniyamɔɔlu kɛ mɔɔ waa loolu (5 000) jate le.

Kɛkolu 5:14

Mɔɔ siyama ka to limaniyala mɔ Tii ma ka kafon jama kɔkan, kɛ́lu ni mosolu.

Kɛkolu 5:28

«Mɔ n'ài dansiila ko ài kà kalan kɛ Isa tɔɔ lɔ. Kɛɛ wo bɛ n'a kɛ, ài vɛ àiya kalan lase Jelusalɛmu fan bɛ lɔ, ani ài y'a fɛ ka kɛ́ wo faa hakɛ bila mɔ kɔ!»

Kɛkolu 6:2

Wo ma, keladen mɔɔ tan ni fila (12) ka Isa kɔbiladennu bɛ kili k'a fɔ ai yɛ, ai vɛɛ: «A bɛnnin tɛ k'a fɔ ko m'i Ala kumakan lasenko to je ka kɛ balo lɔtalale.

Kɛkolu 6:7

Wo ma, Ala kumakan ka to jɛzɛnna, ani Isa kɔbiladennu ka to siyayala kosɛvɛ Jelusalɛmu, ado salakalaseba siyama ka limaniya siya lataama.

Kɛkolu 9:29

Jahudiya minu balakan tɛɛ Gɛlɛkikan ne, Sawuli tɛɛ kumala wolu fɛ k'ai sɔsɔ. Wo le k'a kɛ, ai tɛɛ a faako ɲaɲininna.

Kɛkolu 9:39

Wo fɔ Piyɛli yɛ, a v'i wulila ka bila ai kɔ. A senin je, ai ka taa a le sangaso sanmabon na. Kɛsamosolu bɛ lɔnin tɛɛ Piyɛli laminin nɔ, ai vɛ kasila ka faanibalu ni faani kɔlɔbilalu jiya a la, Dɔɔkasi tɛɛ vɛ minu kala ai yɛ.

Kɛkolu 9:41

Piyɛli k'a mina a bolo ma, k'a lalɔ. Wo kɛ, a ka mumininnu ni kɛsamosolu kili, ka Tabita ɲɛnɛma jiya ai la.

Lɔmukalu 12:7

Ni a dɔ ta ka kɛ madɛmɛli le, wo tii yi mɔɔlu madɛmɛn. Ni min ta ka kɛ kalan ne, wo tii yi mɔɔlu kalan.

1 Kolɛntikalu 10:10

Ài kà kunnɔkuma fɔ iwo ai dɔlu k'a kɛ teme, niitamɛlɛka do k'ai halaki.

2 Kolɛntikalu 11:22

Jalasa keladen wolu yi Hebulu le le? Ǹe fana yi wo le le. Jalasa Bani Isilanka le ai le? Ǹe fana yi wo le le. Jalasa Nabi Ibulahima bɔzɔn ne ai le? Ǹe fana yi wo le le.

Filipikalu 3:5

Ai na m̀ makɛnɛkɛla ǹ sɔlɔn tele seinna le ma. Bani Isilanka le ǹ ne ka bɔ Bɛnjamin kabila lɔ. Ǹ jilijaa bɛ tɛɛ Hebulu le le. Nabi Musa ya seliya ta fannɔ, ǹ fɛ tɛɛ Falisilu le la.

1 Timote 5:3

Kɛsamoso minu kelen vɛ to bɛlɛbɛlɛ le, i yi wolu mina buɲali boloma.

1 Timote 5:9

I vɛ kɛla kɛsamosolu tɔɔ sɛvɛla ka bɛn ai madɛmɛnko ma, i kà a dɔ tɔɔ sɛvɛ fɔ min si vɛ sanji biwɔɔlɔ (60) bɔ, ani a tɛɛ v'i sii kɛ́ kelen ne kun dein.

Hebululu 13:1

Ài yi to i ɲɔɔ kanula badenmaya boloma.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

Janguba 4:5

Jalasa a ài kɔnɔ ko kuma min kun t'a la min sɛvɛnin kitabu kɔnɔ, ko: «Ala na nii min bilala mɔ lɔ, a yi wo makeleyala bubale»?

Janguba 5:9

M̀ badenmalu, ài k'ài makasi i ɲɔɔ kan, fɔsa kiti kana bila ài la. Ài y'a ye, Kititɛɛba lɔnin donda la!