Kɛkolu 5:42 - Ala Ya Salatikan Kula Kitabu

⁴² Lon bɛ, ai tɛɛ mɔɔlu kalanna lɔhɔlɔmabonba luu kɔnɔ ani mɔɔlu ya bonnu la, ka to Samakan Kein lasena ko Isa le Masa Tɔɔmasenin ne.

Kɛkolu 5:42 ပူးပေါင်းရင်းမြစ်များ

Luka 21:37

Tele o tele, Isa tɛɛ mɔɔlu kalanna lɔhɔlɔmabonba luu kɔnɔ, kɛɛ su lɔ, a tɛɛ taala ka si tini dɔ kɔkan, ai y'a fɔla min ma ko Zeituna tini.

Luka 22:53

Lon bɛ, ǹ tɛɛ ài fɛ lɔhɔlɔmabonba la, kɛɛ do, ài m'i lɔja ka m̀ mina je. Kɛɛ àiya waate le ne, ani divi ya seesɔlɔn waate.»

Kɛkolu 11:20

Kɛɛ Jahudiya kɛ́ dɔlu ka bɔ Sipele ni Silɛni ka se Antiyɔsi. Ai do vɛ mɔ Tii Isa ya Samakan Kein lasena siboloma gbɛlɛ mɔɔlu fana ma.

Kɛkolu 13:32

Ǹu do yi wo le Samakan Kein lasena ài ma yi ne, k'a fɔ ko Ala na lahedi min tala mɔ bemanu yɛ,

Kɛkolu 17:18

Mɔɔ kalannin dɔlu tɛɛ je, ai tɛɛ a fɔla minu ma ko Epikuli ani Sitoisi ya mɔɔlu, minu ka Pɔli sɔsɔ damina. A dɔlu vɛɛ: «Kumafuunfɔba min y'a fɛ ka mindɛ le fɔ?» A dɔgbɛlɛlu vɛɛ: «A kɛyine iwo a yi kumala ka bɛn tii dɔlu ma minu lɔnin tɛ mɔ bolo.» Ai ka wo fɔ kamasɔlɔn Pɔli tɛɛ Isa ya Samakan Kein ne lasena, ko a v'i wuli ka bɔ saya lɔ.

Kɛkolu 17:3

ka wolu kɔlɔ fɔ k'a lagbɛ ko Masa Tɔɔmasenin tɛɛ ka kan ka tɔlɔya, ka ban k'i wuli ka bɔ saya lɔ. A do vɛɛ: «Ǹ'i Isa min ya ko lasena ài ma yi ne, ale le Masa Tɔɔmasenin ne.»

Kɛkolu 2:46

Lon lon, ai deinin tɛɛ ai ladɛnna lɔhɔlɔmabonba luu kɔnɔ, ka kɛ bulu lɔtalale i ɲɔɔ wotɛ aiya bonnu la, ani k'i ɲɔɔ sɔ sawa ni josolɔgbɛya boloma.

Kɛkolu 20:20

Ài k'a lɔn ǹ tɛɛ ài kalanna bala lɔ ani àiya bonnu la waate min nɔ, m̀ ma ko ko si doon ài ma min yi kɛ ài nafako le.

Kɛkolu 4:20

Kɛɛ ǹu na ko minu yena ani k'ai mɛn, mɔ tɛ se mɔ makunna wo ma.»

Kɛkolu 4:29

Wo lɔ saa mɔ Tii, i tolomalɔ aiya masiyannikannu la, ka see di ǹu iya bɔidennu ma fɔsa m'i to i kumakan lasena josolagbeleya boloma.

Kɛkolu 8:35

Wo lɔ, ka ta kitabu dingila wo ma, Filipe vɛ Isa ya Samakan Kein lasena a ma.

Kɛkolu 8:5

Ado Filipe ka taa Samaliya so dɔ la ka Masa Tɔɔmasenin ya ko lase je.

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

1 Kolɛntikalu 2:2

Ǹ tɛɛ ài tɛma waate min nɔ, ǹ k'a latɛɛ ko ǹ kà ko gbɛlɛ lɔn, mafɔ Masa Tɔɔmasenin Isa dein, ani a sako kɔlɔman ma.

Galatiyakalu 1:16

ka a Denkɛ lankɛnɛmaya ǹ yɛ, fɔsa ǹ'aa ko lase siboloma gbɛlɛ mɔɔlu ma. Wo ka kɛ mingɛ, m̀ ma hangili ɲinin mɔɔ foi la.

Galatiyakalu 6:14

Ǹe koni, ǹ tɛnala ǹ jɛlɛ matɔɔla ko ko si lɔ, mafɔ mɔ Tii Masa Tɔɔmasenin Isa gbaanko kɔlɔman ma dein. Ka bɛn wo ma, dunuɲa kɛnin ǹ ɲana fen sanin ne le, ado ǹe fana yi fen sanin ne le dunuɲa ɲana.

2 Timote 4:2

i yi Ala kumakan kawani ka to wo la waate ɲuma ni waate gbɛlɛnnu lɔ, ka mɔɔlu jobaliya, k'ai makuma, k'ai lali, i vɛ ai kalanna sawali bɛlɛ boloma.