Kɛkolu 5:41 - Ala Ya Salatikan Kula Kitabu

⁴¹ Wo kɛ, keladennu ka bɔ kititɛɛjama ɲakɔlɔ sawa le, kamasɔlɔn ai lafeyako ka bɛn Isa tɔɔ ma, ailu ni wo le kaannin.

Kɛkolu 5:41 ပူးပေါင်းရင်းမြစ်များ

Luka 6:22

«Duwawuden ne ài le, ni mɔɔlu k'ài lagbeyaɲɛ, k'i ban ài lɔ, k'ài nɛnin, ani k'ài tɔɔyon fɔ ka bɛn Mɔɔnivin Tanin ya ko ma.

Yohana 15:21

Kɛɛ ai kɛtɔ ko wolu bɛ kɛla ài la ka bɛn ǹa ko le ma, kamasɔlɔn ai ma ǹ kelaba lɔn.

Kɛkolu 21:13

Kɛɛ Pɔli ka mɔ javi, a vɛɛ: «Mindɛ lɔ ài yi kasila tan ka ǹ joso tiɲa? Ǹ lɔbɛnyine ka taa kaso la, hali ni ǹ ka sa Jelusalɛmu ka bɛn mɔ Tii Isa tɔɔ ma.»

Kɛkolu 5:21

Kuma wo mɛn ai bolo, ai ka taa lɔhɔlɔmabonba luu kɔnɔ sɔɔmadanina ka mɔɔlu kalan damina. Salakalase kuntiiba ni a bilankɔɲɔɔlu ka na mingɛ, ai ka Bani Isilanka ɲamɔɔlu kili ko kititɛɛbalu bɛ y'ai ladɛn. Ai do ka jamali di ko ai yi na keladennu le ka bɔ kaso la.

Lɔmukalu 5:3

K'a dɔ la wo kɔkan, m'i sawala hali maa tɔlɔyalu lɔ, kamasɔlɔn mɔ k'a lɔn ko tɔlɔya yi nala sawali le le.

2 Kolɛntikalu 12:10

Wo le y'a ma, ni ǹ ka kɛ fangandan ne, ni mɔɔlu ka ǹ jɛvɛ ka ǹ jangata, ni gbɛlɛgbɛlɛ ni tɔlɔya ka m̀ masɔlɔn, wo bɛ yi ǹ ɲɛnɛle ka bɛn Masa Tɔɔmasenin ya ko ma. Kamasɔlɔn ni ǹ ka kɛ fangandan ne waate min nɔ, ǹ kɛtɔ fangama le le waate wo lɔ.

Filipikalu 1:29

Kamasɔlɔn Ala ya nɛɛma ma kɛ ài yɛ k'a fɔ ko ài yi limaniya Masa Tɔɔmasenin ma dein, mafɔ ài yi tɔlɔya masɔlɔn fana ka bɛn a ma,

Hebululu 10:34

Ài n'ài fɛ bilala kasodennu ya tɔlɔyalu la. Ai ka ài halala bɛ jaso ài tɛɛ la mingɛ, ài ka wo mina ài ma kɔnɔlɔdiya boloma, kamasɔlɔn ài tɛɛ k'a lɔn ne ko a fisamandeya ta le y'ài bolo, min tonin ài bolo.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Janguba 1:2

M̀ badenmalu, ni tɔlɔya suu suu k'ài masɔlɔn, ài yi wo bɛ jate kɔnɔlɔdiyako le.

3 Yohana 1:7

Kamasɔlɔn ai yi taama min na Masa Tɔɔmasenin tɔɔ le lɔ. Ai do tɛ ai bolo siila limaniyabalilu ya madɛmɛlifen foi kɔlɔ.