Kɛkolu 5:31 - Ala Ya Salatikan Kula Kitabu

³¹ Ala n'a kɔlɔtala k'a lasii a bolokini fannɔ, k'a kɛ Ɲamɔɔ ni Lakisilikɛba le, fɔsa Bani Isilankalu y'a ɲa sɔlɔn k'ai dajoo mafalin aiya julumbulu lɔkotoko lɔ.

Kɛkolu 5:31 ပူးပေါင်းရင်းမြစ်များ

Matiyu 1:21

A kɛtɔ denkɛ sɔlɔnna. I y'a tɔɔla ko Isa, kamasɔlɔn ale le kɛtɔ aa mɔɔlu lakisila k'ai bɔ aiya julumbulu lɔ.»

Matiyu 28:18

Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Malɛkɛ 2:10

Kɛɛ do, fɔ ài y'a lɔn a see yi Mɔɔnivin Tanin yɛ ka julumbulu lɔkoto dunuɲa.» Wo fɔ Isa bolo, a vɛɛ falifaamatɔ yɛ:

Malɛkɛ 4:12

Wo lɔ, ‹Ai y'ai ɲa kaana, kɛɛ ai tɛ foi yena. Ai y'ai tolomalɔla, kɛɛ ai tɛ foi ɲayena, ai tɛɛ vɛ koɲayena, ai tɛɛ ai jɛlɛ lasei le Ala ma, Ala do tɛɛ ai makoto le.› »

Luka 2:11

Bi koni, Masakɛ Dawuda ya so la, Lakisilikɛba vɛ sɔlɔn ài yɛ, min taanin kɛla mɔ Tii Masa Tɔɔmasenin ne.

Luka 24:47

ani aa samakan ka bɛn mɔɔlu dajoo mafalinko ma aiya julumbulu lɔkotoko lɔ, wo la ka kan ka se siboloma bɛ ma a tɔɔ lɔ, ka damina Jelusalɛmu ma.

Yohana 4:42

Ai k'a fɔ moso yɛ, ai vɛɛ: «Tandainɔ yi ne, mɔ ma limaniya ka bɛn i kumakan ma, kɛɛ ǹu gbu v'a kumakan mɛn yi ne, ado mɔ v'a lɔn feu ko ale le dunuɲa bɛ Lakisiba le.»

Kɛkolu 11:18

Ai ka kuma wo mɛn mingɛ, ai k'aiya sɔsɔyali dabila ka Ala tanu, ai vɛɛ: «Tuɲa le, Ala vɛ diɲa a ma ko siboloma gbɛlɛ mɔɔlu fana y'ai dajoo mafalin, fɔsa ai yi niimaya sɔlɔn.»

Kɛkolu 13:23

Ala vɛ Lakisilikɛba lana Bani Isilankalu ma ka bɔ Dawuda bɔzɔn nɔ, min taanin kɛla Isa le, iwo a na lahedi tala teme.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Kɛkolu 2:36

«Bani Isilankalu bɛ y'a lɔn bɛlɛbɛlɛ kɛ ko Isa min gbaannin tɛɛ kɔlɔman ma ài bolo, Ala v'a kɛ mɔ Tii le ani Masa Tɔɔmasenin.»

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 3:15

Min yi niimayadiba le, ài na wo le faala, kɛɛ Ala n'a lawulila ka bɔ saya lɔ. Mɔ do vɛ kɛ wo sele le.

Kɛkolu 3:19

Wo lɔ saa, ài y'ài dajoo mafalin, k'ài fannɔsei Ala ma, fɔsa àiya julumbulu yi bɔ ài ma.

Kɛkolu 3:26

Wo lɔ, Ala na aa bɔiden tala k'a lana ài ma kunfɔlɔ le, fɔsa a yi balaka don ài lɔ, k'ài kelenkelenna bɛ bɔ àiya siya yonnu kɔkan.»

Kɛkolu 4:11

A sɛvɛnin kitabu kɔnɔ ka bɛn Isa ya ko ma, ko: ‹Àilu bonlɔbalu n'ài banna kawakulun min nɔ, wo le kɛnin bon tungun kawakulun ne.›

2 Kolɛntikalu 2:10

Ni ài do ka mɔɔ min makoto yi ne, ǹe fana vɛ wo tii makoto. Ni do ko dɔ ka kɛ je, ǹ ka kan ka min lɔkoto, m̀'ɛ a lɔkoto àiya ko lɔ ka Masa Tɔɔmasenin kɛ ǹ sele le,

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Filipikalu 3:20

Kɛɛ ǹu koni, maa duulenya yi haijɛnɛ le, ado m'i Lakisilikɛba le makɔnɔna ka bɔ je, min kɛnin mɔ Tii Masa Tɔɔmasenin Isa le.

Kɔlɔsikalu 1:14

wo min na mɔ kunmakala ka maa julumbulu lɔkoto.

Tite 1:4

Ǹ'i min sɛvɛla ile Tite le ma, ǹ denkɛ bɛlɛbɛlɛ ka bɛn mɔ dɛɛn ma limaniya kelen na. Mɔ Fa Ala ni mɔ Lakisiba Masa Tɔɔmasenin Isa ya nɛɛma yi kɛ i yɛ, k'i josolajii.

Tite 2:10

niwotɛ ka suɲali kɛ ai ma, mafɔ k'aiya lanandeya ni ɲumaya jiya waate bɛ, min y'a kɛ ai yi mɔ Lakisiba Ala ya kalan dalaya kɔlɔta ko bɛ lɔ.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Hebululu 2:10

Fen bɛ bɔnin Ala min nɔ, ani fen bɛ yi je ale min yɛ, a tɛɛ a fɛ ka den siyama fɛ bila aa magbiliyali la. A ka bɛn a ma ka Isa ya ko dafa tɔlɔyalu lɔ, min kɛnin ɲabila le aiya kisiko lɔ.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

2 Piyɛli 1:11

Wo boloɲa ma, siya yi dile ài ma feu ài donko lɔ mɔ Tii ni mɔ Lakisiba Masa Tɔɔmasenin Isa ya habadan masaya lɔ.

2 Piyɛli 2:20

Ado ni mɔɔ minu k'ai sen bɔ dunuɲa kokɔsɔninnu lɔ ka bɛn mɔ Tii ni mɔ Lakisiba Masa Tɔɔmasenin Isa lɔnko ma, ni ko wolu k'ai mina ka see sɔlɔn ai ma kɔtunun, wo vɛ kɛla, mɔɔ wolu laban kɛwonyatɔle ka timin a kunfɔlɔ ta la.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.

1 Yohana 4:14

Mɔ v'a ye ka wo seleya di ko mɔ Fa ka a Denkɛ lana dunuɲa k'a kɛ dunuɲa Lakisiba le.

Jude 1:25

Tanuli yi Ala kelenpesa le yɛ, min na mɔ lakisila mɔ Tii Masa Tɔɔmasenin Isa sabu la. Magbiliyali ni kamalangeya ni seetiiya ni kuntiiya y'a yɛ jani dunuɲa tɛɛ dan, tandainɔ, ani habadan! Amiina!

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.