Kɛkolu 5:26 - Ala Ya Salatikan Kula Kitabu

²⁶ Wo fɔ, lakanalibalu ya kuntii ni aa mɔɔlu ka taa keladennu ta, ka na ai le. Kɛɛ wo ma kɛ fanga la, kamasɔlɔn ai tɛɛ siyanna k'a fɔ ko jama kan'i wuli ai kanma k'ai bon kawa la.

Kɛkolu 5:26 ပူးပေါင်းရင်းမြစ်များ

Matiyu 14:5

Helodi tɛɛ a fɛ ka Yaya faa, kɛɛ a tɛɛ siyanna jama ɲa, kamasɔlɔn ai tɛɛ Yaya jatela kela le le.

Matiyu 21:26

Kɛɛ ni mɔ k'a fɔ adamadennu le, wo tɛ bɛn. M'i siyanna jama ɲa, kamasɔlɔn ai bɛ yi Yaya jatela kela le le.»

Matiyu 26:5

Kɛɛ ai vɛɛ: «Mɔ kà a mina selilon, fɔsa mɔɔlu kana mulutu.»

Matiyu 26:58

Piyɛli tɛɛ jama kɔ poon haan fɔɔ ka se salakalase kuntiiba ya luu ma. A ka don k'i sii lakanalibalu dafɛ k'a ye kolu labantɔ teme.

Luka 20:19

Seliya kalanmɔɔlu ni salakalase kuntiibalu tɛɛ Isa minako ɲaɲininna wo waate kelen nɔ, kamasɔlɔn ai n'a ɲayena ko sana wo lanin ailu le ma. Kɛɛ ai tɛɛ siyanna jama ɲa.

Luka 20:6

Kɛɛ ni mɔ k'a fɔ adamadennu le, mɔɔ minu bɛ kɛtɔ mɔ bonna kawakulun na ka mɔ faa, kamasɔlɔn ai layine a la ko Yaya tɛɛ kela le le.»

Luka 22:2

Wo ma, salakalase kuntiibalu ni seliya kalanmɔɔlu tɛɛ Isa faako ɲaɲininna doon nɔ, kamasɔlɔn ai tɛɛ siyanna jama ɲa.

Luka 22:4

Judasi do ka taa salakalase kuntiibalu ma, ani lɔhɔlɔmabonba lakana kuntiibalu, ka kuma ai fɛ ka bɛn Isa donko ma ai bolo.

Kɛkolu 4:21

Wo lɔ, kititɛɛjama k'a dɔ la aiya masiyannikan kɔkan, ka ban k'ai bila. Ai ma ɲa sɔlɔn ka kolatɔn kɛ ai la, kamasɔlɔn mɔɔ bɛ tɛɛ Ala tanula ka bɛn ko min kɛnin.

Kɛkolu 5:13

Kɛɛ mɔɔ dɔlu m'ai wakali k'ai kafon ai kan, hali jama tɛɛ kɛ ai matanula.

Kɛkolu 5:22

Kɛɛ sɔdasilu senin kaso la, ai ma keladennu ye je. Wo lɔ, ai ka seikɔ ka dandɛɛli kɛ, ai vɛɛ:

Kɛkolu 5:24

Lɔhɔlɔmabonba lakanabalu ya kuntii ni salakalase kuntiibalu ka kuma wo mɛn mingɛ, ai kɔnɔlɔ ka fili bubale, ai v'i ɲɔɔ maɲiningala ka bɛn ko wo laban ma.

Kɛkolu 5:25

Wo kɛ, mɔɔ dɔ ka na k'a fɔ ai yɛ, a vɛɛ: «Ài na kɛ́ minu bilala kaso la, wolu lɔnin mɔɔlu kalanna lɔhɔlɔmabonba luu kɔnɔ!»